ក្រុមហ៊ុន Google នឹងបង្កើត "ទីក្រុងបច្ចេកវិទ្យា" ក្នុងប្រទេសកាណាដា
- 2017-10-20 12:56:25
- ចំនួនមតិ 0 | ចំនួនចែករំលែក 0
ក្រុមហ៊ុន Google នឹងបង្កើត "ទីក្រុងបច្ចេកវិទ្យា" ក្នុងប្រទេសកាណាដា
ចន្លោះមិនឃើញ
Sidewalk Labs ដែលជាក្រុមហ៊ុនគ្រប់គ្រងដោយមេរបស់ Google គឺ Alphabet នឹងសង់ទីក្រុងបច្ចេកវិទ្យាក្នុងក្រុង Toronto ប្រទេសកាណាដាក្នុងគោលបំណងដើម្បីប្រែក្លាយ ទីក្រុងជាប់ទឹកសមុទ្រមួយនេះទៅជាតំបន់ប្រមូលផ្តុំដោយបច្ចេកវិទ្យាឆ្លាតវៃ។
គម្រោងមានឈ្មោះថា Sidewalk Toronto ដែលនឹងចាយលុយប្រមាណ ៥០ លានដុល្លារដើម្បីចាប់ផ្តើមគម្រោង ត្រូវបានស្វាគមន៍ដោយនាយករដ្ឋមន្ត្រីកាណាដាលោក Justin Trudeau។ តំបន់ Quayside ក្នុងក្រុង Toronto មានទំហំសរុប ៣,២ គីឡូម៉ែត្រការ៉េគឺជាតំបន់ទីក្រុងស្ថិតក្រោមការអភិវឌ្ឍធំជាងគេនៅទ្វីបអាមេរិកខាងជើង។
គោលបំណងរបស់ក្រុមហ៊ុនដែលបង្កើតឡើងក្នុងឆ្នាំ ២០១៥ Sidewalk Labs នឹងនាំយកបច្ចេកវិទ្យា Wi-Fi ល្បឿនលឿន ការបំពាក់សេនស័ររាប់លានប្រភេទ ប្រភពថាមពលប្រកបដោយនិរន្តភាព និងរថយន្តបើកបរស្វ័យប្រវត្តិជាដើម ។ ក្រុមហ៊ុនបច្ចេកវិទ្យានឹងលក់ផលិត Hardware និង Software ទៅកាន់ទីក្រុងហើយនិងដោះស្រាយបញ្ហាដូចជាការកកស្ទះ ជាតិពុលនិងការកកកុញមនុស្សច្រើនជាដើម៕