អាមេរិកជំរុញឲ្យជើងហោះហើរ ហាមឃាត់ការទុកកាមេរ៉ាក្នុងវ៉ាលី
- 2017-10-21 04:26:54
- ចំនួនមតិ 0 | ចំនួនចែករំលែក 0
អាមេរិកជំរុញឲ្យជើងហោះហើរ ហាមឃាត់ការទុកកាមេរ៉ាក្នុងវ៉ាលី
ចន្លោះមិនឃើញ
រដ្ឋាភិបាលសហរដ្ឋអាមេរិកបានជំរុញឲ្យជើងហោះហើរជុំវិញពិភពលោក ហាមឃាត់ការរក្សាទុកកាមេរ៉ា, កុំព្យូទ័រយួរដៃ និងឧបករណ៍អេឡិចត្រូនិកធំៗដទៃទៀត ក្នុងវ៉ាលី ដោយបារម្ភថាថ្មក្នុងឧបករណ៍ទាំងនេះអាចនាំឲ្យមានអគ្គីភ័យ។
សារព័ត៌មាន Chicago Tribune បានរាយការណ៍ថាការជំរុញនេះធ្វើឡើងតាមរយៈលិខិតដែលទើបចុះបញ្ជីជាមួយនឹងអង្គការអាកាសចរស៊ីវិលអន្តរជាតិ (ICAO) ដែលជាផ្នែកមួយរបស់អង្គការសហប្រជាជាតិ (U.N)។
សហព័ន្ធអាកាសចរ (FAA) បានធ្វើការសាកល្បងដែលពាក់ព័ន្ធនឹង ការដាក់កំប៉ុងបាញ់ថ្នាំ ក្បែរថ្មលីចូមរបស់កុំព្យូទ័រយួរដៃ ដែលបានបណ្ដាលឲ្យសីតុណ្ហភាពថ្មកើនឡើងជាលំដាប់។ FAA បានបញ្ជាក់ថា ៖ "គេបានសន្និដ្ឋានហើយថា ប្រសិនបើឧបករណ៍អេឡិចត្រូនិកដាក់ក្នុងវ៉ាលីជាមួយនឹងកំប៉ុងបាញ់ថ្នាំ ហើយមានការកើនឡើងកម្ដៅ នោះអាចនាំឲ្យកើតមានការផ្ទុះកំប៉ុងបាញ់ថ្នាំបាន ហើយបង្កបានជាអគ្គីភ័យ”។
ការទុកថ្មជាមួយនឹងសម្ភារៈដទៃទៀតដូចជាទឹកអាកុល, ទឹកលាងដៃ និងទឹកលាងក្រចកក៏អាចបណ្ដាលឲ្យកើតមានអគ្គីភ័យបានដែរ។ លទ្ធផលពីការសាកល្បងទាំងនេះ នាំឲ្យ FAA ធ្វើការណែនាំថាគ្រឿងអេឡិចត្រូនិកដែលធំជាងស្មាតហ្វូន គួរតែហាមឃាត់កុំឲ្យទុកក្នុងវ៉ាលី លុះត្រាតែមានការអនុញ្ញាតពិសេសពីជើងហោះហើរ។ ភ្នាក់ងារធំៗ និងជើងហោះហើរដទៃទៀត រួមមានសហព័ន្ធសុវត្ថិភាពអឺរ៉ុប (ESA) និង Airbus បានឯកភាពនឹងការណែនាំនេះហើយ។
ICAO គឺទទួលខុសត្រូវលើកម្រិតសុវត្ថិភាពស្តង់ដារទូទាំងសកលលោក ដូចនេះប្រទេស និង ជើងហោះហើរជាសមាជិក អាចនឹងត្រូវធ្វើតាមការណែនាំនេះដូចគ្នា។ ការលើកឡើងអំពីការហាមឃាត់នេះដែរនឹងត្រូវយកពិភាក្សាបន្តទៀត អំឡុងកិច្ចប្រជុំរបស់ ICAO ក្នុងពេលពីរសប្ដាហ៍ទៀត។
ប្រសិនបើការហាមឃាត់នេះត្រូវបានជើងហោះហើរលើពិភពលោកយកអនុវត្តន៍ នោះវាអាចបង្កជាផលពិបាកដល់អ្នកថតរូបទាំងឡាយណា ដែលត្រូវដឹកជញ្ជូនឧបករណ៍របស់ខ្លួនតាមវ៉ាលីជាមិនខាន។ យ៉ាងណាក្ដី ដំណោះស្រាយដែលអាចទៅរួចមួយ គឺអ្នកថតរូបប្រហែលជាត្រូវដោះថ្មលីចូមចេញពីកាមេរ៉ា និងឧបករណ៍ដទៃទៀត រួចដាក់នៅក្នុងកាតាបស្ពាយជាប់ខ្លួនតែប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
