តារាសម្ដែង Wu Chun ៖ "ជាតិក្រោយ ខ្ញុំចង់កើតជាមនុស្សស្រី!"
- 2017-10-21 05:09:06
- ចំនួនមតិ 0 | ចំនួនចែករំលែក 0
តារាសម្ដែង Wu Chun ៖ "ជាតិក្រោយ ខ្ញុំចង់កើតជាមនុស្សស្រី!"
ចន្លោះមិនឃើញ
ផ្អែកតាមមតិភាគច្រើន សុទ្ធតែគិតថាកើតជាមនុស្សស្រី ត្រូវជួបរឿងពិបាកច្រើន ព្រោះជួបអ្វីដែលមិនអាចគេចរួច ដែលជាច្បាប់ធម្មជាតិ ដែលមនុស្សប្រុសមួយចំនួនគ្មានថ្ងៃយល់ ហើយក៏មិនចង់ជួប។ ប៉ុន្តែចម្លែកតែ តារាសម្ដែង Wu Chun បែរជាចង់ក្លាយជាស្រីទៅវិញ។
ចូលរួមកម្មវិធីទូរទស្សន៍មួយដែលមានឈ្មោះថា Where Are We Going, Dad? តារាប្រុសកូន ២ Wu Chun បាននិយាយអារម្មណ៍ពិតរបស់ខ្លួនថា៖ "ជាតិក្រោយខ្ញុំចង់ក្លាយជាមនុស្សស្រី"។ ហេតុផលសំខាន់ដែលនាំឲ្យ Wu Chun គិតបែបនេះ ដោយសារលោកឃើញពីទុក្ខលំបាក អំឡុងពេលពពោះ និងសម្រាលបុត្ររបស់ស្ត្រីទាំងឡាយ ជាពិសេសប្រពន្ធលោក។ ក្រោយបានឃើញពេលវេលាទាំងនោះ បានធ្វើឲ្យលោកកាន់តែមានចិត្តអាណិត និងគោរពកាន់តែខ្លាំងចំពោះមនុស្សស្រី។
លោកបន្តទៀតថា មនុស្សស្រីត្រូវមានរដូវជារៀងរាល់ខែ ជាហេតុធ្វើឲ្យលោកគិតថា វាដូចជាអយុត្តិធម៌ពេកសម្រាប់នារីៗ។ ដោយសារកត្តាទាំងនេះហើយ ទើប Wu Chun ចង់ដឹងកាន់តែច្បាស់ពីបទពិសោធន៍នេះ ដើម្បីផ្ដល់ការគោរពកោតសរសើរកាន់តែខ្លាំងចំពោះស្ត្រីភេទ។
នេះជាទង្វើដ៏គួរឲ្យសរសើររបស់ បុរសវ័យ ៤១ឆ្នាំរូបនេះ ហើយមិនត្រឹមតែជាឧត្តមស្វាមីសម្រាប់ប្រពន្ធទេ លោកក៏ជាលោកឪពុកគួរឲ្យស្រឡាញ់របស់កូនប្រុសស្រី ទាំង ២ផងដែរ៕
ចុចអាន៖