Kane ថាពាន Ballon d'Or មិននៅឆ្ងាយពីដៃរបស់ខ្លួនពេកទេ

2017-10-21 07:09:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Harry Kane គិតថាពាន Ballon d'Or មិននៅឆ្ងាយពីដៃប៉ុន្មានទេបើសិនជារូបគេនៅតែបន្តរក្សាទម្រង់លេងល្អដូចពេលបច្ចុប្បន្ន។

Harry Kane

ខ្សែប្រយុទ្ធឆ្នើម Tottenham ស្ថិតក្នុងបេក្ខភាព៣០នាក់ចុងក្រោយសម្រាប់ការប្រជែងយកពានរង្វាន់ផ្ទាល់ខ្លួនដ៏ធំខាងលើជាមួយកីឡាករកំពូលៗផ្សេងទៀតមាន Cristiano Ronaldo, Lionel Messi និង Neymar។ Kane បាននិយាយទៅកាន់ BBC ថាវាគឺជាក្ដីស្រមៃក្លាយជាការពិតបើថ្ងៃណាមួយអាចឈ្នះ Ballon d'Or មែននោះ។

“ការមានឈ្មោះទៅក្នុងបញ្ជី៣០នាក់ជាមួយ Super star ពិភពលោកគឺជារឿងដ៏អស្ចារ្យបំផុត។ ជាការពិតខ្ញុំមានការងារច្រើនដែលត្រូវធ្វើដើម្បីឈ្នះ Ballon d'Or។ ខ្ញុំគិតថាវាមិនស្ថិតនៅឆ្ងាយដូចពីមុនពេកទេសម្រាប់ការចង់ឈ្នះពាន ដូច្នេះអ្វីដែលខ្ញុំត្រូវធ្វើគឺប្រឹងប្រែងឲ្យកាន់តែខ្លាំងដើម្បីសម្រេចក្ដីស្រមៃ"។ ម្ចាស់ស្បែកជើងមាសលីគកំពូលអង់គ្លេសនិយាយ។

ក្នុងនាមជាអ្នកបំប៉ោងសំណាញ់ទី Kane វ័យ២៤ឆ្នាំស៊ុតបញ្ចូលទីបាន៤៣គ្រាប់ក្នុងការបង្ហាញខ្លួន៣៧ប្រកួតទាំងនៅក្លឹប និងក្រុមជម្រើសជាតិ៕