“Man City លេងដូចក្រុមប្រេស៊ីលដែរហើយ ក្រោមការដឹកនាំ Pep ” Jesus
- 2017-10-22 02:07:02
- ចំនួនមតិ 0 | ចំនួនចែករំលែក 0
“Man City លេងដូចក្រុមប្រេស៊ីលដែរហើយ ក្រោមការដឹកនាំ Pep ” Jesus
ចន្លោះមិនឃើញ
Gabriel Jesus ខ្សែប្រយុទ្ធវ័យក្មេងរបស់ក្រុម Manchester City ជឿជាក់ថាក្រុមរបស់ខ្លួនមានទម្រង់និងកម្រិតស្មើជាមួយក្រុមជម្រើសជាតិប្រេស៊ីលដែរ ក្រោមការដឹកនាំរបស់លោក Pep Guardiola។
Jesus បង្ហាញកម្រិតលេងបានល្អមែនទែននៅរដូវកាលនេះ ជាមួយលីគអង់គ្លេស បើទោះជាខ្លួនជាកីឡាករវ័យក្មេងចំណូលថ្មីក៏ដោយ។ ជួយក្រុមស្ថិតលើកំពូលតារាង ទាំងនៅអង់គ្លេសនិងក្របខណ្ឌអឺរ៉ុប កីឡាករខ្សែប្រយុទ្ធលេខ៩នៅជម្រើសជាតិប្រេស៊ីល បាននិយាយថាក្រុម Man City លេងបាល់ទាត់គួរឱ្យចង់ទស្សនាចូលក្រុមជម្រើសជាតិប្រេស៊ីលដូច្នេះដែរ។
“បច្ចុប្បន្ន យើងលេងដូចនៅជម្រើសជាតិប្រេស៊ីលដែរ។ នៅពេលយើងលេងឈ្នះគ្រាប់បាល់ច្រើន យើងតែមានក្បាច់ពិសេសៗសម្រាប់អ្នកគាំទ្រទស្សនាសប្បាយចិត្ត។ ក្នុងនាមជាកីឡាករយើងពិតជាសប្បាយចិត្តចំពោះរឿងនេះ ហើយនេះជាអារម្មណ៍របស់កីឡាករម្នាក់ៗចង់ឱ្យអ្នកគាំទ្រសប្បាយចិត្តដែរ”។ សម្ដី Jesus ។
កីឡាករវ័យ២០ឆ្នាំខាងលើនេះ នៅលីគកំពូលអង់គ្លេសរកគ្រាប់បាល់បាន៦គ្រាប់ហើយ គិតត្រឹមរយៈពេល៩ប្រកួតមកនេះ ខណៈដែលដៃគូរបស់គេ Aguero រកបាន៧គ្រាប់៕