ចៅស្រីជាជាងថតរូបបានប្រែក្លាយជីតាអាយុ ៧៨ ឆ្នាំ ឲ្យទៅជាតារាបង្ហាញម៉ូដដ៏ទាក់ទាញ
- 2017-10-22 03:40:13
- ចំនួនមតិ 0 | ចំនួនចែករំលែក 0
ចៅស្រីជាជាងថតរូបបានប្រែក្លាយជីតាអាយុ ៧៨ ឆ្នាំ ឲ្យទៅជាតារាបង្ហាញម៉ូដដ៏ទាក់ទាញ
ចន្លោះមិនឃើញ
កាលពីពេលថ្មីៗនេះ រូបភាពជាច្រើនសន្លឹករបស់លោកតាវ័យ៧៨ឆ្នាំម្នាក់ តុបតែងដូចតារាបង្ហាញម៉ូដសម្លៀកបំពាក់ ត្រូវបានគេបង្ហោះពេញបណ្ដាញសង្គម qq ដ៏ពេញនិយមនៅក្នុងប្រទេសចិន។
Ma Mengjie ដែលជាចៅស្រីរបស់លោកតាវ័យ៧៨ឆ្នាំ គឺជាជាងថតរូប ហើយនាងនិយាយថាមូលហេតុដែលនាងថតរូប និង Design រូបលោកតារបស់នាងឲ្យមើលទៅដូចតារាម៉ូដសម្លៀកបំពាក់ នៅលើក្របទស្សនាវដ្ដី ព្រោះនាងនឹកអាណិតទៅដល់លោកយាយរបស់នាង ដែលបានស្លាប់តាំងពីនាងនៅតូច ហើយគាត់មិនដែលមានសម្លៀកបំពាក់ស្អាតបាត ឬរូបថតល្អមួយសន្លឹកណាទេ។ នេះបើតាមសារព័ត៌មាន Shanghaiist ។
ចាប់ពីពេលលោកយាយស្លាប់ទៅ តាបានរស់នៅជាមួយនាង និងឪពុកម្ដាយរបស់នាង នៅខេត្ត ហ៊ូបេ ភាគខាងកើតប្រទេសចិន ហើយលោកតារស់នៅក្នុងជីវភាពសន្សំសំចៃបំផុត។ រាល់ពេលដែលចៅស្រីទិញសម្លៀកបំពាក់ថ្មីឲ្យ គាត់តែងឲ្យនាងជូនទៅហាងហើយប្តូរយកលុយមកវិញ។
ម្ល៉ោះហើយ នាងបានសម្រេចចិត្តជួលខោអាវ២កំផ្លេ ហើយនាំលោកតានាងទៅហាងកាហ្វេមួយកន្លែង និងថតរូបឲ្យលោកតានាងជាង៤០០ប៉ុស្តិ៍ ហើយបើកុំប្រាប់គេស្មានថាលោកតាជាតួកុនផង។
ចង់ដឹងថារូបថតល្អដាច់ពីមនុស្សពិតយ៉ាងណា សូមទស្សនារូបថតខាងក្រោមរបស់លោកតា។