អតីតប្រធានាធិបតីអាមេរិក ៥រូប បង្ហាញខ្លួនលើឆាកប្រគំតន្ត្រីមួយ
- 2017-10-22 03:38:20
- ចំនួនមតិ 0 | ចំនួនចែករំលែក 0
អតីតប្រធានាធិបតីអាមេរិក ៥រូប បង្ហាញខ្លួនលើឆាកប្រគំតន្ត្រីមួយ
ចន្លោះមិនឃើញ
អតីតប្រធានាធិបតីអាមេរិកទាំង ៥រូប បានបង្ហាញខ្លួននៅលើឆាកប្រគំតន្ត្រីមួយ កាលពីថ្ងៃសៅរ៍ ទី២១ ខែតុលា ឆ្នាំ២០១៧ ម្សិលមិញនេះ នៅក្នុងរដ្ឋ Texas ដើម្បីប្រមូលប្រាក់សម្រាប់ជួយជនរងគ្រោះដោយសារខ្យល់ព្យុះ នៅភាគខាងត្បូងសហរដ្ឋអាមេរិក និង តំបន់ Caribbean។
អតីតប្រធានាធិបតីអាមេរិកទាំង ៥រូប គឺ លោក បារ៉ាក់ អូបាម៉ា , George W. Bush, Bill Clinton, George H.W. Bush និង Jimmy Carter បានបង្ហាញខ្លួនជាមួយគ្នា នៅលើឆាកតន្ត្រី នៅក្នុងសកលវិទ្យាល័យ Texas A&M University ដោយសរសើរជនជាតិអាមេរិក ចំពោះឆន្ទៈរបស់ពួកគេ ក្នុងការជួយប្រជាពលរដ្ឋ និងបានជំរុញឲ្យពួកគេធ្វើបន្ថែមទៀត។
គួរឲ្យដឹងថា កិច្ចខិតខំប្រឹងប្រែងរបស់អ្នកប្រជាធិបតេយ្យ ៣រូប និង សាធារណរដ្ឋនិយម ២រូបខាងលើ អាចរៃអង្គាសប្រាក់បានជាង ៣១លានដុល្លារ ពីម្ចាស់ជំនួយ ៨០ ០០០នាក់ សម្រាប់ជួយជនរងគ្រោះនៃខ្យល់ព្យុះ Harvey , Irma និង Maria។
លោក អូបាម៉ា បានថ្លែងនៅលើឆាកនោះថា «យើងនៅលើឆាកយប់នេះ មិនអាចមានមោទនភាពជាងការឆ្លើយតប និងជំនួយរបស់ជនជាតិអាមេរិកនោះទេ។ នៅពេលពួកគេឃើញអ្នកជិតខាង , មិត្តភ័ក្ដិ និង អ្នកដទៃត្រូវការជំនួយ ពួកគេក៏ក្រោកឈរភ្លាម»៕
ចុចអាន៖