ថៃចំណាយលុយ ៩០លានដុល្លារ សម្រាប់ពិធីព្រះរាជ្យបុណ្យសពស្តេច

2017-10-22 04:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមភេ្លង បានចាប់ផ្តើម ខណៈដែល ក្រុមមន្ត្រីក្នុងសម្លៀកបំពាក់មានក្រណាត់កាន់ទុក្ខពណ៌ខ្មៅនិងស្លៀកពាក់តាមបែបបុរាណ បានចាប់ផ្តើមហាត់សមរៀបចំការធ្វើពិធីបុណ្យសពស្តេចថៃ Bhumibol Adulyadej ដែលការធ្វើឈាបនកិច្ចរបស់ស្តេចអង្គនេះ នឹងប្រព្រឹត្តទៅនៅសប្តាហ៍ក្រោយ ហើយ ត្រូវបានរំពឹងថានឹងមានមនុស្សចំនួន១ភាគ៤នៃចំនួនអ្នកកាន់ទុក្ខមួយលាននាក់ ចូលរួមពិធីបុណ្យសពនេះ ។

អ្នកចូលរួមមួយចំនួន បានកាន់កោដ្ឋដាក់ធាតុពណ៌មាសដែលដាក់អធិ្ឋធាតុស្តេចមុនៗដែលបានសោយទិវង្គតទៅហើយ ។ បច្ចុប្បន្ន សពរបស់ស្តេច Bhumibol Adulyadej ត្រូវបានដាក់ក្នុងក្តារមឈូស តែកោដ្ឋនៅតែត្រូវថៃប្រើដើម្បីតំណាងវត្ថុដាក់សពស្តេច។

រដ្ឋាភិបាលយោធាថៃ បានគ្រោងថវិកាចំនួន៣ពាន់លានបាត(៩០លានដុល្លារ)សម្រាប់ពិធីព្រះរាជ្យបុណ្យសពស្តេចអង្គនេះ ។

ស្តេច Bhumibol Adulyadej ដែលបានសោយទិវង្គត កាលពីថ្ងៃទី១៣ខែតុលាក្នុងព្រះជន្ម៨៧វស្សាអង្គនេះ បានគ្រប់គ្រងប្រទេសថៃអស់រយៈពេល៧ទសវត្សរ៍។ ស្តេចថៃ Maha Vajiralongkorn ដែលជាព្រះរាជបុត្ររបស់ព្រះអង្គ បានឡើងសោយរាជ្យជាផ្លូវការកាលពីឆ្នាំមុន។

ការធ្វើឈាបនកិច្ចរបស់ស្តេចBhumibol Adulyadej នឹងប្រព្រឹត្តនៅថ្ងៃទី២៦ខែតុលា៕

ប្រភព ៖ rasmeinews