បែលហ្សិកសម្បូរកីឡាករល្អ តែលីគឈរលេខរៀងជ្រៅនៅក្នុងតារាង UEFA
- 2017-10-22 09:10:43
- ចំនួនមតិ 0 | ចំនួនចែករំលែក 0
បែលហ្សិកសម្បូរកីឡាករល្អ តែលីគឈរលេខរៀងជ្រៅនៅក្នុងតារាង UEFA
ចន្លោះមិនឃើញ
បច្ចុប្បន្នលីគរបស់បែលហ្សិក ឈរនៅលេខរៀងទី៩ របស់តារាងចំណាត់ថ្នាក់ UEFA សម្រាប់ទ្វីបអឺរ៉ុប ដែលមានប្រមាណ៥០ប្រទេស ឬនិយាយបែបផ្សេង Belgium Pro League របស់បែលហ្សិក អន់ជាងលីគនៅរុស្ស៊ី និង អ៊ុយក្រែនទៅទៀត។
ប៉ុន្តែបើនិយាយពីកីឡាករជម្រើសរបស់បែលហ្សិកវិញសុទ្ធសឹងតែលេងនៅក្លឹបធំៗរបស់អឺរ៉ុប ដូចជា៖ Eden Harzard និង អ្នកចាំទី Courtois របស់ Chelsea, កីឡាករកំពុងឡើងជើង Kevin De Bruyne របស់ Man City, Kompany, Fellaini, Lukaku និង កីឡាករល្អៗជាច្រើនទៀត។
ជារួម កីឡាករលំដាប់ពិភពលោករបស់បែលហ្សិកភាគច្រើនមិនប្រកបអាជីពនៅក្នុងស្រុកទេ ខុសពីលីគនៅអេស្ប៉ាញដែលកំពុងឈរលេខ១ ជាលីគល្អបំផុតនៅអឺរ៉ុប ក៏ដូចជានៅលើពិភពលោក ព្រោះដើម្បីវាយតម្លៃតារាងចំណាត់ថ្នាក់លីគនៅអឺរ៉ុប UEFA គិតទៅលើ២ប្រព័ន្ធ៖
ទី១៖ ប្រព័ន្ធពិន្ទុ
ក្រុមនីមួយៗតំណាងឲ្យលីគរបស់ប្រទេសរៀងៗខ្លួន ដែលបានទៅលេងនៅក្របខ័ណ្ឌ UEFA Championl League ឬ UEFA Europa League ពីវគ្គជម្រុះ វគ្គខ្វែងពូល (play-off) ដល់វគ្គ១៦ក្រុមចុងក្រោយ និង ឡើងទៅវគ្គបន្តបន្ទាប់ បើឈ្នះប្រកួតនីមួយៗនឹងជាបច្ច័យល្អ ជួយឲ្យលីគរបស់ខ្លួនទទួលបានចំណាត់ថ្នាក់ល្អពី UEFA Ranking (មិនមែនជាតារាងប្រទេស ដែល FIFA ដាក់ចំណាត់ថ្នាក់រៀងរាល់ខែទេ តែជាតារាងចំណត់ថ្នាក់ League របស់ប្រទេសនៅអឺរ៉ុបរបស់UEFA) ។
ទី២៖ មធ្យមភាគ
មធ្យមភាគ សំដៅដល់ការយកពិន្ទុសរុបរបស់ក្លឹបក្នុងប្រទេសមួយចែកនឹងចំនួនក្លឹបរបស់ប្រទេសនោះ ដែលបានមកលេងនៅUEFA Championl League ឬ UEFA Europa League។ ឧទាហរណ៍ អេស្ប៉ាញមាន៣ក្រុម ពិន្ទុសរុបរបស់ក្លឹបទាំង៣បូកបញ្ចូលគ្នាទៅបាន ៣០ពិន្ទុ។ អីចឹង តាមរយៈរូបមន្តនេះ ក៏ជាចំណែកមួយទៀត ដែលUEFA អាចកំណត់ថាលីគប្រទេសណាខ្លាំងជាងប្រទេសណា។
ចុចអាន៖