ថ្មីស្អាត! សាខាទី៦៩ ហាងកាហ្វេអាម៉ាហ្សូនក្រោមការវិនិយោគរបស់ CAMOASIS

2017-10-22 10:54:16
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅមិនឆ្ងាយពីរង្វង់មូលទួលគោក្លើបណ្តោយផ្លូវ ៥៩២ គេឃើញអគារមួយថ្មីលេចឡើងមានមុខស្រួចរាងដូចកប៉ាល់ ធំខ្ពស់ទំនើបស្អាត នេះជាអគារសាខាថ្មីរបស់ហាងកាហ្វេអាម៉ាហ្សូន ដែលជាសាខាទី ៦៩ ក្រោមការវិនិយោគទុនដ៏សម្បើមពី ក្រុមហ៊ុន Camoasis ដែលជាម្ចាស់អាគារនេះផ្ទាល់ ។ កម្មវិធីសម្ពោធបើកលក់ជាផ្លូវការនៃហាងកាហ្វេអាម៉ាហ្សូនថ្មីនេះ បានប្រព្រឹត្តទៅយ៉ាងឧឡារិកបំផុត កាលពីព្រឹកថ្ងៃសៅរ៍ ទី ២១ តុលា ម្សិលមិញនេះ ដោយមានវត្ថមានថ្នាក់ដឹកនាំជាន់ខ្ពស់របស់ក្រុមហ៊ុនអាម៉ាហ្សូនពីប្រទេសថៃ ភ្ញៀវជាតិ និង អន្តរជាតិនិងអ្នកសារព័ត៌មានជាច្រើនកុះករ ។

« នេះជាទីតាំងល្អដែលនៅចំចំណុចកណ្តាលនៃតំបន់ទួលគោក មានទេសភាពស្រស់ស្អាត ជួយឲ្យអតិធិជនមានអារម្មណ៍ស្រស់ស្រាយពេលមកអង្គុយញុំាកាហ្វេ ពិសេសងាយស្រួលចតឡានម៉ូតូ ហើយនេះជាអគាររបស់ក្រុមហ៊ុន ស្រាប់ដែលធ្វើឲ្យយើងងាយស្រួលក្នុងការគ្រប់គ្រង » នេះជាការលើកឡើងរបស់លោកស្រី លោកស្រី ថុង ណាត់ស្យា អគ្គនាយិការងក្រុមហ៊ុន CAMOASIS Co.,Ltd និងជាតំណាងម្ចាស់ហាង Amazon សាខាមួយថ្មីនេះ ។

បន្ថែមដោយមានជំនឿចិត្តថា ៖«ទោះបច្ចុប្បន្នហាងកាហ្វេអាម៉ាហ្សូនរីកដុះដាលជាច្រើនយ៉ាងឆាប់រហ័សនៅភ្នំពេញ ក៏មិនជាបញ្ហាចោទដែរ ព្រោះអាជីវកម្មកាហ្វេសំខាន់ គឺទីតាំងល្អ ផ្តល់សេវា និងគុណភាពខ្ពស់ ។ ខ្ញុំជឿជាក់ថាមកញុំាកាហ្វេនៅហាងរបស់យើងនឹងទទួលបាននូវអារម្មណ៍ស្រស់ស្រាយព្រោះក្រៅពីកាហ្វេយើងឆ្ងាញ់ហើយ យើងក៏យកចិត្តទុកដាក់ខ្លាំងលើការឌីហ្សាញហាងដែលនឹងផ្តល់នូវបរិយាកាសល្អ ជួយកាត់បន្ថយភាពតានតឹងរបស់អតិថិជនបាន »។

« ក្រុមហ៊ុនយើងបានវិនិយោគលើហាងកាហ្វេអាម៉ាហ្សូននេះ ពីររួមមកហើយ គឺនៅសាខា ផ្សាសុវណ្ណា និង សាខាផ្លូវលេខ ៣៦០ ដូច្នេះយើងមានបទពិសោធន៍គ្រប់គ្រងក្នុងអាជិវកម្មកាហ្វេ» ។

លោក Chat Chay Sang Aroon តំណាងអ្នកចែកចាយកាហ្វេ Amazon របស់ក្រុមហ៊ុន PTT ដ៏ធំប្រចាំនៅប្រទេសថៃ បានឲ្យដឹងថា៖« យើងមានកិត្តិយសដោយបានសហការជាមួយក្រុមហ៊ុន CAMOASIS Co.,Ltd ក្នុងអាជីវកម្មកាហ្វេព្រោះយើងមានចក្ខុវិស័យដូចគ្នា ចំពោះការផ្តល់ជូននូវកាហ្វេឆ្ងាញ់ បរិយាកាសល្អ សេវាល្អ តម្លៃសមរម្យ ដល់អតិធិជន» ។

CAMOASIS គឺជាក្រុមហ៊ុនវិនិយោគលើម្ហូបចំនីអាហារ និងភេសជ្ជៈ ដោយបានផ្តោតសំខាន់លើ អ្វីខ្លះដែលប្រជាពលរដ្ឋខ្មែរនិយម និងពេញចិត្ត។ នាពេលខាងមុខឆាប់នេះ ក្រុមហ៊ុនក៏នឹងវិនិយោគលើអាជីវកម្ម ២ បន្ថែមទៀត ក្នុងនោះរួមមាន ហាងហ្វឺ ២៤(ប្រភេទគុយទាវមកពីប្រទេសវៀតណាម) និង Oh my Chese (នំដំឡូងបារាំងចៀន)។

ដើម្បីចូលរួមអប់អរដល់ការបើកសម្ពោធហាងថ្មីនេះ អតិថិជនទាំងអស់នឹងទទួលបានការបញ្ចុះតម្លៃ ២០% រាល់ការទិញភេសជ្ជៈគ្រប់មុខនៅហាងកាហ្វេអាម៉ាហ្សូនសាខាអគារកាប៉ាល់ ពីថ្ងៃនេះ រហូតដល់ ថ្ងៃទី៩ វិច្ឆការ ២០១៧ ។

សម្រាប់ព័ត៌មានបន្ថែមសូមចូលទៅកាន់ហ្វេសប៊ុកផ្លូវការរបស់ក្រុមហ៊ុន CAMOASIS https://www.facebook.com/camoasis/

អត្ថបទ៖ លីដា

ពាក្យទាក់ទង

អត្ថបទពាណិជ្ជកម្ម

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត