ក្ដៅ! អតីតតារាសម្ដែងស៊ិចស៊ី កែវ សុរិយា ធ្វើអត្តឃាតស្លាប់នៅនឹងកន្លែង
- 2017-10-23 07:24:50
- ចំនួនមតិ 0 | ចំនួនចែករំលែក 0
ក្ដៅ! អតីតតារាសម្ដែងស៊ិចស៊ី កែវ សុរិយា ធ្វើអត្តឃាតស្លាប់នៅនឹងកន្លែង
ចន្លោះមិនឃើញ
ស្ត្រីម្នាក់សម្រេចចិត្តចងកធ្វើអត្តឃាតខ្លួនឯង ហេតុការណ៍នេះត្រូវបានគេប្រទះឃើញនៅព្រឹកថ្ងៃទី២៣ ខែតុលា ឆ្នាំ២០១៧ នៅចំណុចផ្ទះជួលលេខ១០ ផ្លូវM១៤ បុរីប៉េងហួត ភូមិបឹងឈូក សង្កាត់និរោធ ខណ្ឌច្បារអំពៅ។
សមត្ថកិច្ចបានឲ្យដឹងថា ជនរងគ្រោះឈ្មោះ វ៉ា នួនសុភា ឈ្មោះក្នុងសិល្បៈ កែវ សុរិយា ភេទស្រី អាយុ២៩ឆ្នាំ ជនជាតិខ្មែរ មុខរបរលក់ឡេ ស្នាក់នៅផ្ទះកើតហេតុខាងលើ។ មុនពេលកើតហេតុ ជនរងគ្រោះបានលែងលះគ្នាជាអតីតស្វាមីអស់រយៈពេលកន្លះឆ្នាំមកហើយ។ ជនរងគ្រោះធ្លាប់ត្រូវបានគេរាយការណ៍ថា នាងធ្លាប់លេបថ្នាំសម្លាប់ខ្លួនម្ដងរួចមកហើយ តែត្រូវបងប្អូនសង្គ្រោះទាន់ពេលវេលា។
លុះដល់វេលាម៉ោង ១៦ និង ០០នាទី ថ្ងៃទី២២ ខែតុលា ឆ្នាំ២០១៧ ជនរងគ្រោះបានយកក្រមាចងកធ្វើអត្តឃាត នៅធ្នឹមបង្អួចក្នុងបន្ទប់ដេកស្លាប់ ក្រោយមកអ្នកបម្រើក្នុងផ្ទះឃើញ ហើយក៏ផ្ដល់ដំណឹងជូនសន្តិសុខ រួចមករាយការណ៍ជូនសមត្ថកិច្ច។
ការសន្និដ្ឋាន យោងតាមសាក្សី និងពិនិត្យកន្លែងកើតហេតុរបស់ការិយាល័យបច្ចេកទេស វិទ្យាសាស្ត្រ និងលោក ឧកញ៉ា នង សុវណ្ណារ័ត្ន គ្រូពេទ្យកោសល្យវិច័យរាជធានីភ្នំពេញបានបញ្ជាក់ថា ជនរងគ្រោះស្លាប់ដោយចងកធ្វើអត្តឃាតខ្លួនឯង។ បច្ចុប្បន្នសពរបស់អតីតតារាស្រីខាងលើត្រូវបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕