អ្នកគាំទ្ររិះគន់ក្រោយមានមនុស្សធ្វើឲ្យបែកចង្កៀងព្យួរពិតានរបស់ G-Dragon!

2017-10-24 02:59:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះមានសេចក្តីប្រកាសមួយបានសរសេរថា៖ "មានមនុស្សបានធ្វើឲ្យបែកចង្កៀងព្យួរលើពិតានដែលមានតម្លៃ ៣០០ លានវ៉ុន (ប្រហែល ២៦៥ ០០០ ដុល្លារ) នៅក្នុងហាងកាហ្វេរបស់ G-Dragon”។

នៅលើតារាងបញ្ចេញមតិតាមអនឡាញនៅកោះ Jeju ដែលជាកន្លែងមនុស្សគ្រប់គ្នានិយាយពីបទពិសោធន៍របស់ពួកគេនៅពេលដែលពួកគេទទួលទានអាហារនៅហាងកាហ្វេដ៏ល្បីល្បាញលើកោះនេះ។ ជាមួយគ្នានោះមានមនុស្សម្នាក់ឈ្មោះ A បានសរសេរថា៖ "បុគ្គលិកនៅក្នុងហាងកាហ្វេរបស់ GD បាននិយាយថា ពួកគេនឹងទទួលខុសត្រូវចំពោះការជួសជុល តែខ្ញុំត្រូវតែចេញថ្លៃជួសជុល។ នេះជាហេតុផលមួយដែលខ្ញុំចូលចិត្ត Taeyang ជាង GD"។

ក្រោយពេលសារនេះត្រូវបានបញ្ចេញរួចមក មានមតិផ្សេងទៀតបានលើកឡើងថា "រឿងហ្នឹងកើតឡើងយ៉ាងម៉េច?”

អ្នកជួបហេតុការណ៍នោះដដែលបានបន្ថែមថា៖ "មានអ្នកធ្វើឲ្យបែករបស់របរនៅកន្លែងនោះ កាលពីប៉ុន្មានថ្ងៃមុនដែរ។ ខ្ញុំមកជាន់ដានគេ។ គេបានធ្វើហើយគេរត់បាត់ហើយខ្ញុំជាអ្នកទទួលខុសត្រូវ។ ស្វាគមន៍មកកាន់ប្រទេសកូរ៉េខាងត្បូងអ្នកទាំងអស់គ្នា។"

ទោះបីជាយ៉ាងណា ក៏នៅមានអ្នកប្រើបណ្ដាញអ៊ីនធឺណិតខ្លះ នៅតែចេញមុខការពារ តារាក្នុងដួងចិត្តរបស់ពួកគេ តែខ្លះទៀតបានបញ្ចេញមតិថា៖ "ខ្ញុំទទួលស្គាល់ថា G-Dragon ជាតារាដែលមានទ្រព្យច្រើន ហើយថែមទាំងល្បីទៀត តែនៅពេលប្រាប់ឲ្យគេចេញថ្លៃជួសជុលនោះវាជារឿងមួយដែលមិនគួរទេ"។

បុគ្គល A នេះបានពន្យល់ទៀតថា៖ "ខ្ញុំពិបាករកកន្លែងអង្គុយណាដែលនៅជិតបង្អួចណាស់។ ពេលនោះ ខ្ញុំក៏ឃើញមានកន្លែងវាលខ្សាច់តូចមួយនៅក្នុងហាងកាហ្វេ ហើយខ្ញុំគ្រាន់តែចង់ទៅថតរូបនៅទីនោះ តែចៃដន្យរឿងក៏បានកើតឡើង ពេលខ្ញុំបានដើរទៅកន្លែងនោះ។ ភ្លាមៗ ខ្ញុំបានយកបំណែកដែលបែកទៅឲ្យបុគ្គលិកក្នុងហាង តែអ្វីដែលខ្ញុំទទួលបានគឺការស្រែកគំហកពីពួកគេ។ ខ្ញុំដឹងថារបស់នោះវាមើ់លឃើញ តែខ្ញុំមិននឹកស្មានថាផ្លូវដើរវាតូចអញ្ចឹងទេ។ ខ្ញុំមិនយល់ដែរ។"