កាន់តែធ្ងន់ធ្ងរហើយ តារាចម្រៀង អ៊ុំ គន្ធា ត្រូវសមត្ថកិច្ចឃាត់ខ្លួនពាក់ព័ន្ធគ្រឿងញៀន
- 2017-10-24 07:54:29
- ចំនួនមតិ 0 | ចំនួនចែករំលែក 0
កាន់តែធ្ងន់ធ្ងរហើយ តារាចម្រៀង អ៊ុំ គន្ធា ត្រូវសមត្ថកិច្ចឃាត់ខ្លួនពាក់ព័ន្ធគ្រឿងញៀន
ចន្លោះមិនឃើញ
អតីតតារាចម្រៀងយ៉េយ៉េ អ្នកនាង អ៊ុ គន្ធា ត្រូវបានកម្លាំងសមត្ថកិច្ចឃាត់ខ្លួនយកទៅសួរនាំ ពាក់ព័ន្ធនឹងករណីសេពគ្រឿងញៀន ខណៈដែលគណៈបញ្ជាការឯកភាពខណ្ឌឬស្សីកែវ និងអាវុធហត្ថខណ្ឌ ធ្វើការចុះបង្ក្រាបទីតាំងផ្ទះ ១កន្លែង លួចលាក់បង្កប់ទូហ្គេមបាញ់ត្រី នៅវេលាម៉ោង ១១ព្រឹក ថ្ងៃទី២៤ ខែតុលា ឆ្នាំ២០១៧ នេះ នៅលើផ្លូវ២៧៣ ស្ថិតក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។
ក្នុងប្រតិបត្តិការបង្ក្រាបនោះ កងកម្លាំងបានឃាត់ខ្លួនមនុស្សចំនួន ៣នាក់ ដែលក្នុងនោះ មានអតីតអ្នកចម្រៀងជើងចាស់ អ្នកនាង អ៊ុំ គន្ធា ម្នាក់ផងដែរ។ ភា្លមៗជនសង្ស័យទាំង ៣នាក់ ត្រូវបានបញ្ជូនទៅសួរនាំបន្តនៅអធិការដ្ឋានខណ្ឌឬស្សីកែវ ដើម្បីចាត់ការតាមនីតិវិធី។
សូមបញ្ជាក់ផងដែរថា អតីតតារាចម្រៀង អ្នកនាង អ៊ុំ គន្ធា កន្លងមកធ្លាប់ត្រូវម្ដាយនាំទៅដាក់មណ្ឌលបន្សាបគ្រឿងញៀនម្ដងហើយ បន្ទាប់ពីអតីតភរិយា ប្រពន្ធ លោក ផាន សុផាត រូបនេះ អុកឡុកក្នុងផ្ទះ ដោយសារតែគ្រឿងញៀនធ្វើទុក្ខ។ ក្រៅពីគ្រឿងញៀន នាងត្រូវបានគេដឹងថា កំពុងតែផ្ទុកមេរោគអេដស៍ផងដែរ៕
ប្រភព៖ ផេក សិល្បករកម្ពុជា