តាក់ស៊ី Toyota រាងបុរាណមែនពិត ប៉ុន្តែទំនើបមួយចប់

2017-10-25 03:13:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកម្មវិធីតាំងពិពណ៌ Tokyo Motor Show ឆ្នាំនេះ Toyota ក៏បានដាក់តាំងបង្ហាញរថយន្តតាក់ស៊ីដ៏ទំនើប ដែលនឹងប្រើសម្រាប់ព្រឹត្តិការណ៍អូឡាំពិកឆ្នាំ ២០២០ ក្នុងប្រទេសជប៉ុន។

មើលរូបរាងខាងក្រៅ តាក់ស៊ីនេះបុរាណមែនពិត ប៉ុន្តែមានបំពាក់ប្រព័ន្ធបច្ចេកវិទ្យាទំនើបៗជាច្រើន។ មានបំពាក់ម៉ាស៊ីន Hybrid ប្រើថាមពលហ្គាស លាយនឹងថាមពលអគ្គិសនី ដោយជិះ ១០០ គ.ម ស៊ីសាំង ៥,៥ លីត្រ។ ទ្វារអ្នកដំណើរខាងក្រោយអាចបើកចេញ ឬ បិទដោយស្វ័យប្រវត្តិ និងមានប្រព័ន្ធសុវត្ថិភាពថ្មីៗជាច្រើនរួមមានប្រព័ន្ធទប់ស្កាត់ការប៉ះទង្គិច និងមានពោងសុវត្ថិភាពជាច្រើន។ មិនតែប៉ុណ្ណោះក៏មានជាភ្លើង LED លើខ្សែក្រវាត់សម្រាប់បំភ្លឺនៅពេលយប់ផងដែរ។

កញ្ចក់ចំហៀងត្រូវបានរំកិលទៅផ្នែកខាងមុខរថយន្តដើម្បីអាចឲ្យតៃកុងមើលបានកាន់តែច្បាស់។ ចំពោះកន្លែងអង្គុយរបស់តៃកុងមានបំពាក់នូវប្រព័ន្ធបង្ហាញព័ត៌មានដែលងាយស្រួលមើល និងមានជាឧបករណ៍ពិនិត្យចម្ងាយផ្លូវអាចឲ្យអ្នកដំណើរមើលឃើញច្បាស់។