ភ្ញាក់ផ្អើល! ចង្កៀងព្យួរពិតានដែលបែកក្នុងហាង G-Dragon មានចំនូនកំណត់តិចដល់ម្ល៉ឹង

2017-10-25 05:08:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ មានការចាប់អារម្មណ៍ខ្លាំង ក្រោយមានរឿងរ៉ាវបែកចង្កៀងព្យួរពិតាននៅហាងកាហ្វេរបស់តារាចម្រៀង G-Dragon នៅកោះ Jeju ដែលកើតឡើងដោយសារភ្ញៀវម្នាក់ដែលចូលទៅហាងកាហ្វេនោះ ។

ទោះជាយ៉ាងណាក៏ដោយ មនុស្សម្នាក់នោះមិនបានសុំទោសហើយថែមទាំងខឹងសម្បារថែមទៀតនៅពេលដែលបុគ្គលិកហាងកាហ្វេនោះទាមទាថ្លៃសំណងចំនួន ៣០០ ០០០ វ៉ុន (ប្រហែល ២៦៥ ដុល្លារ)។

ចំពោះប្រតិកម្មទៅលើរឿងនេះ មានមនុស្សមួយចំនួនបានចេញមុខការពារ G-Dragon ហើយបានរិះគន់ទៅលើមនុស្សម្នាក់នោះចំពោះចរិតអាត្មានិយមរបស់គេ។ ការរិះគន់នៅតែបន្តកើតឡើងហើយមនុស្សខ្លះទៀតថែមទាំងប្រាប់ឲ្យ G-Dragon ចាត់វិធានការទៅតាមផ្លូវច្បាប់ថែមទៀតផង។

ដោយសារបញ្ហានេះ មហាជនជាច្រើនស្រាប់តែផ្ដោតការចាប់អារម្មណ៍ខ្លាំងលើចង្កៀងដែលបានបែកនោះ។ តាមប្រភពព័ត៌មានបានឲ្យដឹងថា ចង្កៀងនោះជាប្រភេទចង្កៀងកម្រ ហើយផលិតឡើងដោយមានចំនួនកំណត់ គឺមានតែ ៥០ ចង្កៀងតែប៉ុណ្ណោះ។ ចង្កៀងប្រភេទនេះជាស្នាដៃរបស់អ្នកច្នៃម៉ូតដ៏ល្បីល្បាញប្រចាំពិភពលោក ជនជាតិបារាំងម្នាក់ឈ្មោះ Philippe Starck។

គ្រាន់តែដឹងពីដំណឹងនេះ ក៏ដូចជាស្គាល់ប្រវត្តិច្បាស់របស់ចង្កៀង មហាជនភាគច្រើនបានកោតសរសើរចំពោះតារាចម្រៀងG-Dragon ដែលមានចិត្តសប្បុរស និងមិនប្រកាន់ទោសអូសដំណើរដល់អ្នកដែលបានធ្វើខុស។ ជាមួយគ្នានោះ ចំពោះអ្នកដែលបានធ្វើឲ្យបែកចង្កៀងនោះ ក៏រងនូវពាក្យរិះគន់យ៉ាងចាស់ដៃពីអ្នកប្រើអ៊ីនធឺណិតមិនស្ទើរដែរ៕

ចុចអាន៖

- អ្នកគាំទ្ររិះគន់ក្រោយមានមនុស្សធ្វើឲ្យបែកចង្កៀងព្យួរពិតានរបស់ G-Dragon!

- ទីបំផុត Dara ឆ្លើយតបពីទំនាក់ទំនងជាមួយ G-Dragon ហើយ!

ប្រភព៖ Allkpop ប្រែសម្រួលៈ អន សុភក្ត្រា