មិនខុសពីជនជាតិថៃដទៃទេ LISA ក៏មកគោរពព្រះវិញ្ញាណក្ខន្ធអតីតស្ដេចខ្លួនដែរ

2017-10-27 08:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញ ជាថ្ងៃដែលប្រជាជនថៃទាំងអស់ មិនថាក្នុង ឫក្រៅប្រទេសសុទ្ធតែមានទុក្ខក្រៀមក្រំដូចគ្នា ដោយសារជាថ្ងៃថ្វាយព្រះភ្លើង អតីតព្រះមហាក្សត្រ ព្រះចៅភូមិបុល អាឌុលយ៉ាដេត។

ថ្ងៃទី ២៦ ខែតុលាជាថ្ងៃចងចាំទុកជាប្រវត្តិសាស្ត្រ និងជាមហាទុកដ៏ក្រៀមក្រំសម្រាប់ប្រជាជនថៃទាំងអស់។ ថ្ងៃនោះដែរ សង្កេតឃើញថាមានតារាថៃជាច្រើនចូលរួម និងថ្វាយការគោរពដល់ព្រះវិញ្ញាណក្ខន្ធ អតីតព្រះមហាក្សត្ររបស់ខ្លួន។ ក្នុងនោះ ខ្លះទៅថ្វាយការគោរពដល់ទាំងនៅទីតាំងព្រះរាជពិធី ខណៈខ្លះទៀត ផ្ដុំគ្នានៅជិតព្រះបរមរាជវាំង។

ដោយឡែកសម្រាប់តារាដែលកំពុងបំពេញការងារនៅក្រៅប្រទេស ទោះបីមិនបានមកផ្ទាល់ ប៉ុន្តែពួកគេបានទៅស្ថានទូតថៃប្រចាំប្រទេស ដែលពួកគេកំពុងស្នាក់នៅ ដើម្បីគោរពព្រះវិញ្ញាណក្ខន្ធស្ដេចរបស់ខ្លួនដូចគ្នា។

ជាក់ស្ដែងដូចជា សមាជិកក្រុមចម្រៀងនារីដ៏ល្បី BLACKPINK តារាចម្រៀង LISA និង Sorn តារាចម្រៀងក្រុម CLC ក៏បានទៅថ្វាយការគោរពដែរ ខណៈអ្នកទាំង ២ជាជនជាតិថៃ នៅស្ថានទូតថៃ ប្រចាំនៅប្រទេសកូរ៉េខាងត្បូង ក្នុងក្រុងសេអ៊ូល៕