ពិសេសមែន! កម្មវិធីទស្សនាវីដេអូ SOYO នឹងផ្ដល់ជូនឥតគិតថ្លៃ ២ខែ សម្រាប់អ្នកប្រើ Smart
- 2017-10-28 06:34:10
- ចំនួនមតិ 0 | ចំនួនចែករំលែក 0
ពិសេសមែន! កម្មវិធីទស្សនាវីដេអូ SOYO នឹងផ្ដល់ជូនឥតគិតថ្លៃ ២ខែ សម្រាប់អ្នកប្រើ Smart
ចន្លោះមិនឃើញ
បន្ទាប់ពីចាប់ដៃគូយុទ្ធសាស្ត្ររួមគ្នា ដើម្បីអភិវឌ្ឍប្រព័ន្ធឌីជីថលនៅកម្ពុជា ក្រុមហ៊ុន Sabay Digital Plus និង Smart Axiata បានផ្ដល់ជូនកាដូពិសេសសម្រាប់អតិថិជនប្រើប្រាស់ប្រព័ន្ធទូរសព្ទ Smart ទាំងអស់ ដោយអាចប្រើប្រាស់កម្មវិធីទស្សនាវីដេអូ SOYO រយៈពេល ២ខែ មិនគិតថ្លៃ។ ការប្រកាសនេះ គឺធ្វើឡើងក្នុងឱកាសខួបគម្រប់ ១០ឆ្នាំ របស់ក្រុមហ៊ុន Sabay។
កម្មវិធី SOYO គឺជាប្រព័ន្ធវីដេអូអនឡាញ ប្រើប្រាស់តាមប្រព័ន្ធអ៊ីនធឺណិត ជាតម្រូវការអ្នកទស្សនាក្នុងប្រទេសកម្ពុជា ហើយផ្តល់ជូននូវខ្សែភាពយន្តក្នុងស្រុក អន្តរជាតិ កម្មវិធីទូរទស្សន៍ និងរឿងភាគជាច្រើន ដែលកែសម្រួលជាភាសាខ្មែរ (សំឡេង និងអក្សរខ្មែរ) សម្រាប់ទស្សនិកជនកម្ពុជា។ មានកម្មវិធី SOYO ប្រិយមិត្តអាចរីករាយទស្សនាខ្សែភាពយន្ត និងរឿងភាគពីប្រទេសកម្ពុជា ថៃ កូរ៉េ និងប្រទេសល្បីដទៃៗទៀត។
ការផ្ដល់ជូនដោយឥតគិតថ្លៃទស្សនាដោយសេរី ២ខែ គឺកើតចេញពីការសហការរវាង Soyo ដែលជាកម្មវិធីទស្សនាវីដេអូ ភាពយន្ត ដ៏សម្បូរបែប និងសេវា StreamOn ជាគម្រោងទិន្នន័យអ៊ីនធឺណិតដែលបង់ប្រាក់ជាមុន និងជាគម្រោងមើលវីដេអូរបស់ Smart Axiata។ គោលបំណងនៃការសហការនេះ គឺដើម្បីអតិថិជន កាន់តែមានភាពងាយស្រួល ហើយចំណាយកាន់តែតិច ប៉ុន្តែទទួលបានសេវាកម្មកម្សាន្តចំណីចក្ខុដ៏សម្បូរបែបនៅលើកម្មវិធី SOYO។
ក្រោយពេលចប់រយៈពេលផ្ដល់ជូនឥតគិតថ្លៃ អតិថិជនអាចជ្រើសរើសយកកញ្ចប់ Soyo ៣ប្រភេទ មានដូចជាប្រចាំថ្ងៃ ប្រចាំសប្ដាហ៍ ឬប្រចាំខែ ខណៈអតិថិជន Smart អាចទទួលបានការបញ្ចុះតម្លៃ ២០% លើតម្លៃធម្មតា ហើយការចំណាយប្រចាំថ្ងៃត្រឹមតែ ២០សេនប៉ុណ្ណោះ។ ចំពោះកញ្ចប់ប្រចាំខែផ្ដល់នូវអត្ថប្រយោជន៍បន្ថែម ជាមួយនឹងមាតិកាដែលគ្មានការផ្សាយពាណិជ្ជកម្ម។ កញ្ចប់ទាំង៣ នឹងនាំយកមកនូវចំនួនម៉ោងទស្សនាឥតដែនកំណត់ និងមាតិកាពិសេសៗផ្ដាច់មុខ។
ជាងនេះទៅទៀត ចាប់ពីថ្ងៃនេះទៅ អតិថិជនរបស់ Smart ដែលភ្ជាប់គម្រោង StreamOn 2 (គម្រោងប្រចាំសប្ដាហ៍) និងគម្រោង StreamOn 8 (គម្រោងប្រចាំខែ) នឹងមានសិទ្ធិប្រើប្រាស់កម្មវិធី SOYO ដោយឥតគិតថ្លៃ ដែលជាផ្នែកមួយនៃកញ្ចប់គម្រោងរបស់គេ។
@ដើម្បីតម្លើងកម្មវិធី SOYO៖
លោក ជី សិលា ស្ថាបនិក និងជានាយកប្រតិបត្តិនៃក្រុមហ៊ុន Sabay បាននិយាយថា៖ "ឥឡូវនេះយើងបានចាប់ដៃគូជាមួយ Smart ដែលមានអ្នកប្រើច្រើនបំផុតនៅកម្ពុជា ដើម្បីឲ្យកាន់តែងាយស្រួល ហើយតម្លៃប្រើវិញថោកបំផុត បង់មួយថ្ងៃមិនស្មើទិញស្ករគ្រាប់មួយគ្រាប់ផង។ បើបង់ប្រចាំខែវិញ មិនស្មើទិញកាហ្វេ Brand មួយកែវផង។ បើយើងអត់ផឹកកាហ្វេតែមួយថ្ងៃ អាចទិញកញ្ចប់ SOYO មើលភាពយន្ត និងវីដេអូ បានពេញមួយខែ មើលយ៉ាងសប្បាយភ្នែក"។
លោក ជី សិលា បានបន្ថែមទៀតថា មាន SOYO អាចមើលរឿងល្បីៗច្រើន ដូចជា ស្រទន់មន្តស្នេហ៍ មន្តស្នេហ៍លេខា ពស់កេងកង និងរឿងភាគ បេសកកម្មមួយ ព្រមទាំងរឿងល្បីជាច្រើនទៀតដែលទិញសិទ្ធិមកពីបរទេស ហើយបញ្ចូលសំឡេង និងដាក់អក្សរជាភាសាខ្មែរ បំពេញតាមការត្រូវការរបស់ប្រជាជនខ្មែរតែម្ដង។ ក្រៅពីនេះ ក៏មានវីដេអូគួរឲ្យចាប់អារម្មណ៍ជាច្រើនទៀត ដែលនឹងដាក់ចូលទៅក្នុង SOYO បន្តបន្ទាប់។
ចំណែកលោក Thomas Hundt បានថ្លែងថា ការសហការគ្នារវាង Sabay ដែលមានមាតិកាដ៏ល្អ ជាមួយ Smart ដែលមានអ្នកប្រើជាច្រើនលាននាក់ទូទាំងប្រទេសកម្ពុជា នឹងធ្វើឲ្យ SOYO ទទួលបានគាំទ្រច្រើនពីប្រជាជនកម្ពុជា។ លើសពីនេះ លោកបានបង្ហាញជំនឿចិត្តថា ផលិតករវ័យក្មេងកម្ពុជា នឹងមានឱកាសបញ្ចេញសមត្ថភាពពិតប្រាកដរបស់ខ្លួន ក្នុងការប្រកួតប្រជែង រួចយកស្នាដៃទាំងនោះទៅដាក់ក្នុង SOYO៕