មកមើលឈុតអបអរពិធីបុណ្យ Halloween ឃើញហើយ គួរឲ្យខ្លាច

2017-10-29 03:59:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីបុណ្យ Halloween នឹងប្រារព្ធធ្វើឡើងនៅថ្ងៃអង្គារទី ៣១តុលា ឆ្នាំ ២០១៧ ដែលជាពិធីបុណ្យដ៏ពេញនិយមរបស់បណ្ដាប្រទេសលោកខាងលិច តែក៏មានការប្រារព្ធធ្វើតាមប្រទេសអាស៊ីជាច្រើន រួមទាំងកន្លែងមួយចំនួននៅកម្ពុជាយើងដែរ។

អ្នកចូលរួមពិធីនេះតែងតែស្លៀកពាក់ ឬតុបតែងដូចខ្មោច បិសាច មេធ្មប់គួរឲ្យខ្លាច ឬជាវីរបុរសក្នុងរឿង មិនថាកុមារតូចៗ និងមនុស្សធំឡើយ។

តើពាក្យ Halloween មានន័យដូចម្ដេច? ពាក្យថា Halloween កើតចេញពីពាក្យថា Hallowe'en មានពាក្យពេញថា Hallowed evening ឬ Holy envening មានន័យថា ពេលល្ងាចដ៏អស្ចារ្យ ឬបរិសុទ្ធ។ វាត្រូវបានគេប្រារព្ធឡើងដើម្បីអបអរពិធីបញ្ចប់ការប្រមូលផលកសិផលរបស់ជនជាតិ Celtic ដែលជាទឹកដីនៅអៀរឡង់ និងស្កុតឡែនបច្ចុប្បន្ន។

ដើម្បីអបអរពិធីនេះ គេនិយមធ្វើអ្វីខ្លះ? ក្នុងអំឡុងពិធីនេះ គេនិយមឆ្លាក់រូបល្ពៅជាក្បាលខ្មោច ឬបិសាច, ស្លៀកពាក់ខោអាវប្លែកៗចូលរួមពិធីជប់លៀង, លេងពញ្ញាក់អារម្មណ៍ (Prank), មើលភាពយន្តរន្ធត់ៗ, និទានរឿងគួរឲ្យខ្លាច, ទៅកន្លែងលេងខ្មោចលង ហើយអ្នកកាន់សាសនាគ្រិស្ដមួយចំនួនក៏បានទៅវិហារដែរ៕ តោះមកទស្សនាឈុតប្លែកៗខាងក្រោម៖