Zidane ថា Real Madrid នឹងត្រឡប់ទៅរកភាពខ្លាំងវិញ
- 2017-10-30 03:27:12
- ចំនួនមតិ 0 | ចំនួនចែករំលែក 0
Zidane ថា Real Madrid នឹងត្រឡប់ទៅរកភាពខ្លាំងវិញ
ចន្លោះមិនឃើញ
Zinedine Zidane ជឿជាក់ថា Real Madrid នឹងផ្លាស់ប្ដូរស្ថានការណ៍បច្ចុប្បន្នហើយ ត្រឡប់ទៅរកភាពខ្លាំងវិញដើម្បីបន្តប្រជែងពាន La Liga។
ការនិយាយបែបនេះរបស់អ្នកចាត់ការសញ្ជាតិបារាំងធ្វើឡើងបន្ទាប់ពីក្រុមការពារតំណែងជើងឯក La Liga ចាញ់ Girona ២-១ ឈរលេខ៣នៅក្នុងតារាងតែចាញ់ Barcelona រហូតដល់៨ពិន្ទុ។ យ៉ាងណាក៏ដោយ Zidane នៅតែបង្ហាញសុទិដ្ឋិនិយមថាដំណើរផ្លូវនៅវែងឆ្ងាយទៀត ហើយការប្រកួតប្រជែងមិនមែនចប់ត្រឹមនេះទេ។
យើងដឹងថា ពួកយើងនឹងអាចផ្លាស់ប្ដូរគ្រប់យ៉ាងឲ្យប្រសើរឡើងវិញ។ ក្រុមទាំងមូលនឹងវិលទៅរកភាពខ្លាំងហើយគូរប្រជែងរបស់យើងនឹងបាត់បង់ពិន្ទុវិញម្ដងនៅប្រកួតបន្តបន្ទាប់។ ការប្រកួតនៅវែងឆ្ងាយដូច្នេះគ្មានអ្វីដែលខ្ញុំត្រូវព្រួយបារម្ភខ្លាំងពេកទេ។ បុរសវ័យ៤៥ឆ្នាំនិយាយដូច្នេះ។
Real Madrid បច្ចុប្បន្នឈរលេខ៣ក្នុងតារាង La Liga ក្រោយប្រកួតឈ្នះ ៦ ស្មើ២ ចាញ់២ មាន២០ពិន្ទុ៕