កូនខ្មោច Halloween ល្បីឆ្នាំមុន ឆ្នាំនេះនៅតែធ្វើឲ្យគេភ្ញាក់ផ្អើល
- 2017-10-31 02:08:35
- ចំនួនមតិ 0 | ចំនួនចែករំលែក 0
កូនខ្មោច Halloween ល្បីឆ្នាំមុន ឆ្នាំនេះនៅតែធ្វើឲ្យគេភ្ញាក់ផ្អើល
ចន្លោះមិនឃើញ
កាលពីឆ្នាំ ២០១៦ កូនខ្មោចស្លៀកឈុតខ្មៅផាត់មុខសដូចតួអង្គព្រលឹងខ្មោច No Face ក្នុងរឿងតុក្កតាជប៉ុន Spirited Away បានទទួលការចាប់ពីអារម្មណ៍យ៉ាងខ្លាំងពីមនុស្សជាច្រើនស្ទើរជុំវិញពិភពលោក។
កុមារនេះមានឈ្មោះ Meng Meng អាយុ ៣ឆ្នាំ ជាសិស្សសាលាថ្នាក់មត្តេយ្យ នៅទីក្រុង Kaohsiung កោះតៃវ៉ាន់។ កាលពេលនោះ មុនថ្ងៃបុណ្យ Halloween មួយថ្ងៃ ខាងសាលាមត្តេយ្យបានរៀបចំកម្មវិធីជួបជុំសិស្ស ដោយតម្រូវឲ្យស្លៀកពាក់ប្លែកៗអបអរពិធីខាងលើ ដូច្នេះឪពុកម្ដាយរបស់ក្មេងៗជាអ្នកតុបតែងខ្លួនឲ្យពួកគេ។
ចំណែកឆ្នាំនេះ ក៏មិនខុសពីឆ្នាំមុន Meng Meng នៅតែតុបតែងខ្លួនប្លែកគេ និងចាប់អារម្មណ៍ជាងគេក្នុងចំណោមមិត្តរួមថ្នាក់ រហូតដល់វេបសាយអន្តរជាតិចុះផ្សាយគេផង។ គេបានតែងខ្លួនជាតួអង្គបិសាច Ryuk ក្នុងរឿងតុក្កតា Death Note។
ម្ដាយរបស់ Meng Meng បានបង្ហើបឲ្យដឹងថា កូនរបស់គាត់ចាប់អារម្មណ៍ចង់ស្លៀកពាក់ដូច Ryuk ប្រហែល ៣ខែមុនមកហើយ បន្ទាប់ពីនាងមើលវីដេអូមួយឃើញ តួអង្គ Ryuk រាំក្នុងបទ Pen Pinapple Apple Pen។ គួរបញ្ជាក់ថាពិធីបុណ្យ Halloween របស់ប្រទេសនៅប៉ែកអឺរ៉ុបនេះ ប្រព្រឹត្តធ្វើឡើងនៅថ្ងៃអង្គារ ទី ៣១ តុលានេះហើយ៕
ចុចអាន៖