គន្លឹះសាមញ្ញ៥យ៉ាង ដើម្បីធ្វើឱ្យប្រវត្តិរូបរបស់អ្នកប្រសើរឡើង
- 2017-10-31 08:15:20
- ចំនួនមតិ 0 | ចំនួនចែករំលែក 0
គន្លឹះសាមញ្ញ៥យ៉ាង ដើម្បីធ្វើឱ្យប្រវត្តិរូបរបស់អ្នកប្រសើរឡើង
ចន្លោះមិនឃើញ
នៅពេលដែលទីផ្សារការងារមានការប្រកួតប្រជែងកាន់តែខ្លាំង តម្រូវការនៃការធ្វើឱ្យខុសគ្នារវាងប្រវត្តិរូបសង្ខេបរបស់អ្នកនិងបេក្ខជនផ្សេងៗទៀតនឹងកាន់តែចាំបាច់។ ខាងក្រោមនេះជាគន្លឹះសំខាន់ៗទាំង៥ក្នុងការបង្កើតប្រវត្តិរូបដែលគួរឱ្យទាក់ទាញដើម្បីអោយអ្នកឈានទៅទទួលបាននូវបទសម្ភាសន៍ដែលអ្នកតែងតែសុបិន្តចង់ឆ្លងកាត់។
ចំណុចនេះមិនមែននិយាយអំពីការរចនាក្បូរក្បាច់ពុម្ពអក្សរនោះទេ។ អ្វីដែលអ្នកត្រូវមានគឺគំនិតច្នៃប្រឌិត ដែលធ្វើឱ្យប្រវត្តិរូបមានភាពរលូនដែលមានភាពទាក់ទាញគួរឲ្យចាប់អារម្មណ៍ និងធ្វើឱ្យរីករាយនៅក្នុងភ្នែកនយោជក។ បែបបទនៃការសរសេរដែលអ្នកជ្រើសរើស អាចប្រែប្រួលអាស្រ័យលើប្រភេទនៃការងារ។ ប្រសិនបើអ្នកកំពុងដាក់ពាក្យសុំការងារនៅក្នុងផ្នែក ដែលតម្រូវឱ្យមានការច្នៃប្រឌិតខ្ពស់ អ្នកប្រហែលជាចង់បង្ហាញពីគំនិតច្នៃប្រឌិតនិងជំនាញកែលម្អរបស់អ្នកនៅក្នុងប្រវត្តិរូប។ ប៉ុន្តែប្រសិនបើអ្នកចាប់អារម្មណ៍នឹងការងារដែលជាក់លាក់នោះ ទម្រង់នៃការសរសេរដ៏សាមញ្ញ និងទាន់សម័យគួរឲ្យចាប់អារម្មណ៍ ព្រមទាំងសមស្របគ្រប់គ្រាន់សម្រាប់លក្ខខណ្ឌនេះ។
ជាទូទៅ ប្រវត្តិរូបសង្ខេបត្រូវបានកំណត់ត្រឹម១ទំព័រ (អតិបរមា ២ទំព័រ) ហើយនយោជកតែងតែចំណាយពេលប្រហែល ៦-៨វិនាទីដើម្បីពិនិត្យមើលប្រវត្តិរូបសង្ខេប។ ការធ្វើបែបនេះតម្រូវឱ្យអ្នករៀបចំប្រវត្តិរូបដែលមានភាពទាក់ទាញនិងអាចទាញចំណាប់អារម្មណ៍របស់អ្នកសម្ភាសន៍។ គន្លឹះសំខាន់នោះគឺអ្នកត្រូវកំណត់នូវព័ត៌មានណាដែលទាក់ទងទៅនឹងការងារ ដែលអ្នកកំពុងដាក់ពាក្យស្នើសុំការងារដែលមានដូចជាបទពិសោធន៏ការងារកន្លងមករបស់អ្នកនៅក្នុងវិស័យនេះ ឬគម្រោងសំខាន់ៗដែលអ្នកសម្រេចបាន។ អ្នកគួរតែចាប់អារម្មណ៍ទៅនឹងសេចក្ដីពណ៌នាអំពីការងារដើម្បីកំណត់នូវព័ត៌មានដែលអ្នកគួររៀបរាប់នៅក្នុងប្រវត្តិរូប។
អ្នកត្រូវជៀសវាងការប្រើកថាខណ្ឌដើម្បីពន្យល់អំពីខ្លួនអ្នក ពីព្រោះនយោជកនឹងមិនមានពេលអានរាល់ពត៌មានលម្អិតពីអ្នកនោះទេ។ ផ្ទុយទៅវិញ អ្នកគួរប្រើជាចំណុចនិងប្រយោគខ្លីដើម្បីឲ្យកាន់តែងាយស្រួលយល់ ដែលអាចឱ្យអ្នកសម្ភាសន៍យល់ដឹងច្រើនអំពីអ្នកដោយមិនចំណាយកម្លាំងនិងពេលវេលាច្រើន។
ដូចដែលបានលើកឡើងនៅពេលចាប់ផ្តើមនៃអត្ថបទនេះថា ការប្រកួតប្រជែងក្នុងទីផ្សារការងារបានកំពុងកើនឡើងយ៉ាងខ្លាំង ដែលវាមានន័យថាអ្នកត្រូវរិះរកវិធីថ្មីៗដើម្បីទាក់ទាញចំណាប់អារម្មណ៍របស់អ្នកសម្ភាសន៍។ អ្នកត្រូវគិតអំពីសកម្មភាពការងារដែលអ្នកបានចូលរួមចំណែក ដើម្បីលើកតម្កើងតម្លៃនៃប្រវត្តិរូបសង្ខេបរបស់អ្នក។ អ្នកត្រូវប្រាកដថាអ្នកបានរៀបរាប់ពីសកម្មភាពស្ម័គ្រចិត្តនិងសិក្ខាសាលាដែលអ្នកបានចូលរួមដើម្បីបង្ហាញអំពីចំណេះដឹងនិងបទពិសោធន៍របស់អ្នក នៅក្នុងវិស័យជាច្រើនផ្សេងទៀតដោយមិនមែនត្រឹមតែនៅក្នុងវិស័យការងាររបស់អ្នកនោះទេ។
យោងទៅតាមប្រភពព័ត៌មានតាមអ៊ីនធឺណេត thejobnetwork.com ភាពឆ្លាតវៃខាងផ្លូវចិត្តគឺជាគំនិតមួយ ដែលទទួលបាននូវប្រជាប្រិយភាព និងការយកចិត្តទុកដាក់ខ្ពស់បំផុតនៅពេលដែលក្រុមហ៊ុនជ្រើសរើសបុគ្គលិកថ្មីនៅក្នុងឆ្នាំ២០១៧នេះ។ ការមានសមត្ថភាពក្នុងការបំពេញការងាររបស់អ្នកបានល្អ ឬមានលក្ខណៈសម្បត្តិផ្នែកអប់រំដែលពាក់ព័ន្ធនឹងវិស័យការងាររបស់អ្នកមិនទាន់គ្រប់គ្រាន់នោះទេ។ បច្ចុប្បន្ននេះ និយោជកត្រូវការបុគ្គលិកដែលមានគុណសម្បត្តិជាអ្នកដឹកនាំដែលអាចធ្វើការជាក្រុមនិងបង្កើតទំនាក់ទំនងរឹងមាំជាមួយអតិថិជននៅពេលដោះស្រាយបញ្ហានិងទទួលបានលទ្ធផលស្របតាមគោលដៅ។
នៅក្នុងផ្នែកដែលអ្នករៀបរាប់អំពីបទពិសោធន៍ការងារនោះ សូមកុំភ្លេចលើកឡើងអំពីការងារសប្បុរសធម៌ សកម្មភាពកីឡា ឬការងារស្ម័គ្រចិត្តក្នុងសង្គមណាមួយដែលអ្នកបានចូលរួមធ្វើ។ អ្នកក៏អាចផ្តល់នូវអំណះអំណាងនៃភាពឆ្លាតវៃខាងផ្លូវចិត្តនៅក្នុងផ្នែកជំនាញរបស់អ្នកផងដែរ។ អ្នកអាចលើកឡើងនូវអ្នកជំនាញមួយចំនួនដោយមានជំនាញដែលទាក់ទងនិងផ្តល់នូវការពិពណ៌នាជាសង្ខេបអំពីរបៀបដែលអ្នកអាចគ្រប់គ្រងនិងចាត់ចែងជំនាញទន់ទាំងនេះ។
ព័ត៌មានលម្អិតរបស់អ្នកកាន់តែមានការពាក់ព័ន្ធ និងមានប្រយោជន៍ដល់ការងារនៅពេលដែលអ្នកកំណត់អំពីចំនួនរបស់វា។ ការបង្កើនបរិមាណសមិទ្ធផលកាងារ ក៏អាចផ្ដល់ឱ្យអ្នកសម្ភាសន៍នូវការយល់ដឹងកាន់តែប្រសើរឡើងអំពីសមត្ថភាពរបស់អ្នក និងធ្វើឱ្យពួកគេមានភាពងាយស្រួលក្នុងការកំណត់ថាតើអ្នកជាបុគ្គលដែលស័ក្ដិសមនឹងក្រុមហ៊ុនដែរឬទេ។ ឧទាហរណ៍ ប្រសិនបើអ្នកបានលើកឡើងថាអ្នកបានបង្កើនបរិមាណការលក់ អ្នកគួរតែរៀបរាប់ពីការកើនឡើងជាភាគរយនិងផ្តល់នូវពេលវេលាកំណត់ណាមួយដែលអ្នកសម្រចបាន។
នៅពេលដែលអ្នកមានកន្លែងតិចតួចដើម្បីរៀបរាប់ពីបទពិសោធន៍ ជំនាញ ចំណាប់អារម្មណ៍ ហើយនិងពិពណ៌នាអំពីខ្លួនអ្នកផងដែរនោះ វាជារឿងធម្មតាដែលវាអាចនឹងមានការច្របូកច្របល់ក្នុងក្នុងការរៀបរាប់ព័ត៌មានទាំងនោះប្រកបដោយប្រសិទ្ធភាព។
នៅក្នុងចំណុចនេះអ្នកគួរតែប្រើនូវពាក្យគន្លឹះដើម្បីជាជំនួយ។ ពាក្យគន្លឹះមានសារសំខាន់ណាស់ក្នុងការធ្វើឱ្យប្រវត្តិរូបសង្ខេបរបស់អ្នក ឆ្លើយតបទៅនឹងការពិពណ៌នាការងារនិងក្រុមហ៊ុន។ ជាពិសេស ប្រសិនបើអ្នកត្រូវដាក់បញ្ចូលប្រវត្តិរូបសង្ខេបរបស់អ្នកទៅក្នុងវិបសាយការងារនោះ ពាក្យគន្លឹះគឺពិតជាមានសារៈសំខាន់ខ្លាំងមែនទែន។
អ្នកអាចស្វែងយល់បានដោយចាប់ផ្តើមអានអំពីប្រធានបទដូចជាការបង្កើនប្រសិទ្ធិភាពក្នុងការស្វែងរកឯកសារតាមរយៈវិបសាយកាងារនិងកំណត់នូវពាក្យគន្លឹះដែលអ្នកសម្ភាសន៍តែងតែប្រើជាញឹកញាប់។
ទោះបែបនេះក្ដី អ្នកកុំបារម្ភអី ប្រសិនបើអ្នកមានភាពស្រពិចស្រពិល អ្នកអាចទាក់ទងទៅកាន់ everjobs ហើយស្នើសុំគំរូប្រវត្តិរូបសង្ខេប ឬពិនិត្យមើលកំណត់ហេតុនៃប្លុកពីមុនៗ ដើម្បីទទួលបានការយល់ដឹងកាន់កាន់តែច្បាស់អំពីរបៀបក្នុងការបង្កើតប្រវត្តិរូបសង្ខេបដ៏ល្អឥតខ្ចោះ។
ប្រភព៖ everjobs