ខ្សែប្រយុទ្ធ Bale នឹងអវត្តមានជាថ្មីម្ដងទៀត ពេលប៉ះជាមួយក្លឹបចាស់ស្អែកនេះ!

2017-10-31 13:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Gareth Bale នឹងអវត្តមានជាថ្មីម្ដងទៀត ពេលប៉ះជាមួយក្លឹបចាស់ខ្លួន Tottenhem Hotspurs នៅយប់ថ្ងៃពុធខាងមុខ បន្ទាប់ពីមិនមានឈ្មោះក្នុងបញ្ជីរាយកីឡាករ Real Madridត្រៀមលេងក្នុងជំនួប UCL មួយនេះ។

បើទោះជាកាលពីពេលថ្មីៗ គ្រូបង្វឹក Real Madrid លោក Zinedine Zidane បានបញ្ជាក់ថា Bale បានត្រលប់មកធ្វើការហ្វឹកហាត់ជាមួយក្រុមវិញក៏ដោយ ខ្សែប្រយុទ្ធរូបនេះនៅតែមិនអាចត្រលប់មកជួយក្រុម ក្នុងការប្រកួត Champions League ជាមួយអតីតក្លឹបខ្លួន Tottenhem Hotspurs។

អវត្តមាននេះមានន័យថា Bale បានខកខានជាថ្មីក្នុងការលេងប៉ះជាមួយក្លឹប Spurs ដែលជាក្លឹបចាស់ខ្លួន បន្ទាប់ពីខកខានម្ដងរួចហើយកាលពី ២សប្ដាហ៍មុន ដោយសារបញ្ហារបួសសាច់ដុំកំភួនជើង។

ក្រៅពី Bale ក៏មានកីឡាករមួយចំនួនទៀតដែលនឹងមិនបានចូលលេងក្នុងការប្រកួតនេះដែរ មានដូចជា អ្នកចាំទី Keylor Navas ខ្សែការពារRaphael Varane និងខ្សែបម្រើ Mateo Kovacic។ ចំណែកឯ ខ្សែបម្រើ Isco វិញមានឈ្មោះក្នុងបញ្ជីមួយនេះ បើទោះជារងរបួសកាលពីការប្រកួតថ្ងៃអាទិត្យ ហើយមិនបានហាក់ជាមួយក្រុមកាលពីថ្ងៃចន្ទនេះក៏ដោយ៕