អនុវត្ត ៥ យ៉ាងនេះ កូនកំលោះមិនភ័យរឿងកូនក្រមុំដួលនៅថ្ងៃការ
- 2017-11-01 09:43:11
- ចំនួនមតិ 0 | ចំនួនចែករំលែក 0
អនុវត្ត ៥ យ៉ាងនេះ កូនកំលោះមិនភ័យរឿងកូនក្រមុំដួលនៅថ្ងៃការ
ចន្លោះមិនឃើញ
ជិតដល់ថ្ងៃការអ្នកណាក៏បារម្ភដែរ ខ្លាចខ្វះមុខខ្វះក្រោយ ជួនកាលមានបញ្ហា តានតឹង ធុញថប់ ហត់ពេកទៅជាឈឺ រហូតដល់ដួលសន្លប់តែម្ដងក៏មាន ។
ចឹងដើម្បីជៀសវាងបញ្ហាទាំងនេះកើតមានអំឡុងថ្ងៃសិរីសួស្ដីរបស់អ្នក គួរតែអនុវត្តវិធីសាស្ត្រមួយចំនួនដែល Sabay បានជួបសម្ភាសអ្នកមានបទពិសោធន៍ខាងក្រោម៖
១. សម្រាក៖ វាជាចំណែកដែលមិនអាចខ្វះបាន បើហត់ខ្លាំង សម្រាកសិន ដើម្បីសន្សំសុខភាព បន្តដំណើរទៅមុខទៀត ពិសេសឆ្លៀតពេលមុនថ្ងៃការគេងឲ្យបានច្រើន ព្រោះថ្ងៃការកូនក្រមុំត្រូវងើបតាំងពីព្រលឹមម៉ោង ៣ ឬ ៤ ភ្លឺ ដើម្បីផាត់មុខ ធ្វើសក់ តែងខ្លួន។
២. ត្រៀមមុន៖ បើកូនក្រមុំមានជំងឺប្រចាំកាយ ហើយមិនបាននឹកនាត្រៀមថ្នាំជាមុន កូនកំលោះត្រូវត្រៀមឲ្យ ឬដាស់តឿនឲ្យរក្សាសុខភាព និងហាត់ប្រាណជាដើម មុនថ្ងៃរៀបការមកដល់ ដើម្បីកុំឲ្យសុខភាពកូនក្រមុំចុះខ្សោយ ឬបង្ការការបាក់កម្លាំង។
អត្ថបទទាក់ទង៖ ត្រូវប៉ាន់ម៉ាច់អ្នកជិតការ! ភេសជ្ជៈប៉ុន្មានប្រភេទនេះ កំពុងផ្ដល់រង្វាន់រាប់ពាន់ដុល្លារ ទាំងអ្នកក្រុង ទាំងអ្នកខេត្ត
៣. រឭករឿងទឹក៖ អស់កម្លាំងពីការរៀបចំកម្មវិធី ឬរវល់ពេក អ្នកខ្លះក៏ភ្លេចញ៉ាំទឹក។ ចឹងកូនកំលោះគួរតែតឿនកូនក្រមុំឲ្យឧស្សាហ៍ញ៉ាំទឹក ជៀសវាងកុំឲ្យខ្សោះកាន់តែខ្លាំង ពិសេសទឹកណាដែលផ្អែមៗដើម្បីជួយបន្ថែមកម្លាំង។
៤. សុំជំនួយ៖ សុំជំនួយពីបងប្អូន មិត្តជិតស្និទ្ធឲ្យជួយគ្រប់គ្រងក្នុងកម្មវិធី និងចាត់ចែងខ្លះ មុនកម្មវិធី ដើម្បីទុកកម្លាំង ឬទុកពេលថែរក្សាសុខភាពក៏ដូចជាសម្រស់ឲ្យល្អស្អាត។
៥. លើកទឹកចិត្ត៖ ត្រូវចេះផ្ដល់កម្លាំងចិត្តឲ្យកូនក្រមុំទាំងមុន និងថ្ងៃការ ព្រោះពេលខ្លះទោះអស់កម្លាំងកាយ តែកម្លាំងចិត្តខ្លាំងក៏កូនក្រមុំអាចតស៊ូរហូតចប់កម្មវិធីពិសេសក្នុងថ្ងៃមង្គលអ្នក៕