ពេជ្រ ចរណៃ មិនទាន់មានប្រាក់គ្រប់គ្រាន់សម្រាប់វះកាត់ប្រើសបេះដូង

2017-11-03 07:17:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ដាយ ពេជ្រ ចរណៃ បានប្រាប់ Sabay នៅថ្ងៃនេះថា ស្ថានភាពជំងឺបេះដូងកូនស្រីរបស់អ្នកស្រីមិនទាន់បានប្រសើរនៅឡើយទេបើសិនជាមិនទាន់បានទទួលការវះកាត់ ឬ ជួសជុលប្រើសបេះដូងពីក្រុមគ្រូពេទ្យ។

អ្នកស្រីបន្តថា ក្រុមគ្រូពេទ្យប្រទេសថៃ ចង់ឲ្យ ចរណៃ វះកាត់ព្យាបាលជំងឺបេះកាន់តែឆាប់កាន់តែល្អ ប៉ុន្តែ ខណៈពេលនេះគ្រួសារអ្នកស្រីពុំមានលទ្ធភាព ក្នុងការវះកាត់នៅឡើយ ព្រោះត្រូវចំណាយខ្ទង់ម៉ឺនដុល្លារអាមេរិក។

ចំពោះថ្លៃវះកាត់ជួសជុលប្រើសបេះដូងត្រូវចំណាយថវិកាអស់ ៣ម៉ឺនដុល្លារអាមេរិក ប៉ុន្តែបើក្នុងករណីជួសជុលមិនបាន ចរណៃ ត្រូវមកប្រើប្រើសបេះដូងសិប្បនិមិត្តជំនួសវិញដោយចំណាយអស់ ៤ ម៉ឺនដុល្លារអាមេរិកឯណោះ។ ម្ដាយ ពេជ្រ ចរណៃ បន្ថែម។

ជាមួយ និងអារម្មណ៍សោកសៅអាណិតកូនស្រីជាទីស្រឡាញ់ម្ដាយ ពេជ្រ ចរណៃ បានរៀបរាប់ថា៖“ ការវះកាត់ហ្នឹងគឺជួសជុលសរសៃប្រើសបេះដូង បើសិនជាជួសជុលបាន មិនចាំបាច់ប្រើប្រាស់ប្រើសបេះដូងសិប្បនិមិត្តទេ តែបើជួសជុលមិនបានវិញ ចរណៃ ត្រូវប្រើប្រើសបេះដូងសិប្បនិមិត្ត បាន ៨ ទៅ ១០ ឆ្នាំ ត្រូវវះកាត់ម្ដងទៀតហើយ ប្រឈមគ្រោះថ្នាក់ខ្លាំងណាស់"៕

អត្ថបទ៖ ឆុង ស៊ីណាន