Jung Joon Young រំជួលចិត្តពេលរម្លឹករឿងរ៉ាវជាមួយ Kim Joo Hyuk (វីដេអូ)

2017-11-06 07:09:56
ចំនួនមតិ 0 | ចំនួនចែករំលែក 0

ចន្លោះមិនឃើញ

មរណភាពរបស់តារាសម្ដែង Kim Joo Hyuk ពិតជាធ្វើឲ្យគ្រួសារ មិត្តភក្ដិ និងអ្នកគាំទ្រទាំងអស់មានអារម្មណ៍ក្ដុកក្ដួលជាខ្លាំង និងស្ទើរមិនជឿថា ហេតុការណ៍អាក្រក់នេះ កើតឡើងលឿនបែបនេះទេ។

ជាក់ស្ដែង ខណៈរឿងរ៉ាវដ៏រន្ធត់នេះ បានកើតឡើង សមាជិកក្នុងកម្មវិធី “1 Night 2 Days" តារាចម្រៀង និងសម្តែង Jung Joon Young កំពុងជាប់បំពេញការងារនៅកន្លែងឆ្ងាយ ជាហេតុលោកមិនអាចមកចូលរួមកម្មវិធីបុណ្យសពបាន។ ប៉ុន្តែភ្លាមៗ ក្រោយបានទទួលព័ត៌មានក្រៀមក្រំនេះ តារាប្រុសរូបនេះ ក៏បានធ្វើដំណើរមកកាន់ទីក្រុងសេអ៊ូល មកគោរពវិញ្ញាណក្ខន្ធលោក Kim Joo Hyuk។

រូបថតអនុស្សាវរីយ៍របស់ Joon Young ជាមួយ Joo Hyuk

ជាមួយគ្នានោះ តារាចម្រៀង Jung Joon Young បានផ្ញើសារដ៏ក្រៀមក្រំបំផុតទៅកាន់អតីតតារាសម្តែង Kim Joo Hyuk ក្នុងភាគពិសេសរបស់កម្មវិធី “1 Night 2 Days” ដែលចាក់ផ្សាយកាលពីថ្ងៃទី ៥ ខែវិច្ឆិកាម្សិលមិញនេះ។ នៅក្នុងវីដេអូនោះ Jung Joon Young បានរៀបរាប់ពីពេលវេលាល្អៗ ដែលខ្លួន និង Kim Joo Hyuk បានចំណាយជាមួយគ្នាកន្លងមក។

លោកបាននិយាយថា៖ "បងនៅតែជាបងប្រុសដ៏អស្ចារ្យ និងសំខាន់ម្នាក់សម្រាប់ពួកយើងជាងនរណាៗទាំងអស់។ កាលពីឆ្នាំមុន ខ្ញុំបានឈប់សម្រាកពីកម្មវិធី'1 Night 2 Days' ហើយបានទាក់ទងមកអ្នកទាំងអស់គ្នា ក្រោយពីត្រឡប់ចូលប្រទេសវិញ ពួកយើងបានជួបជុំគ្នា ព្រោះពេលនោះបងគិតថាខ្ញុំជួបការលំបាកច្រើន។ ម្យ៉ាងរាល់ពេលដែលខ្ញុំជួបការលំបាក បងតែងមកជួបខ្ញុំជានិច្ច។ ឲ្យខ្ញុំសូមទោសដែលខ្ញុំមិនអាចនៅជាមួយលោកបានយូរ អ្វីដែលខ្ញុំចង់បានគឺចង់នៅជិតបងខ្លាំងណាស់ នៅពេលនេះ"។

នេះជា វេលាដ៏ក្ដុកក្ដួលរកអ្វីមកប្រៀបពុំបាន នៅពេលដែលមនុស្សរាប់អានគ្នា និងតែងឃើញមុខគ្នាសឹងគ្រប់ពេល ឃ្លាតទៅកន្លែងដ៏សែនឆ្ងាយត្រឹមរយៈពេលខ្លីបំផុត គ្មានថ្ងៃត្រឡប់៕

ចុចអាន៖

ប្រភព៖ Allkpop ប្រែសម្រួល៖ អន សុភក្ត្រា