វ័យ៦៧ឆ្នាំ បុរសម្នាក់ទើបស្គាល់ ភ្នំពេញ ជាលើកដំបូងក្នុងជីវិត
- 2017-11-06 06:44:25
- ចំនួនមតិ 0 | ចំនួនចែករំលែក 0
វ័យ៦៧ឆ្នាំ បុរសម្នាក់ទើបស្គាល់ ភ្នំពេញ ជាលើកដំបូងក្នុងជីវិត
ចន្លោះមិនឃើញ
ក្នុងវ័យ៦៧ឆ្នាំ លោក សុវណ្ណរិន នៅទីបំផុត បានសម្រេចក្ដីប្រាថ្នា ធ្វើដំណើរពីខេត្ត ក្រចេះ មកលេង បុណ្យអុំទូក ជាលើកដំបូង ក្នុងជីវិតលោក កាលពីចុងសប្ដាហ៍មុននេះ។ ដោយសារភាពមមាញឹកនឹងស្រែរ ចម្ការ រួមនឹងជីវភាពខ្សត់ខ្សោយផង បុរសវ័យចំណាស់ មកពីស្រុកសំបូរ ខេត្តក្រចេះ រូបនេះ រៀបរាប់ទាំងរីករាយ ថានេះក៏ ជាលើកទី១ដែរ ដែលលោកមកកាន់ ភ្នំពេញ។ កើតក្នុងឆ្នាំ១៩៥០ ឆ្លងកាត់ច្រើនសម័យ បុរសរូបនេះថ្លែងថា លោកតែងចង់ឃើញពី ទិដ្ឋភាពរបស់ រាជធានី ភ្នំពេញ និងតែងស្រមៃចង់មកដល់ទីនេះ នៅថ្ងៃណាមួយ។
លោក សុវណ្ណរិន បន្ថែមថា លោកមានលទ្ធភាពមក មើលបុណ្យអុំទូក និងស្គាល់ ភ្នំពេញ ពេលនេះ ដោយធ្វើដំណើរមកតាម អ្នកស្រុកភូមិរបស់លោក ដែលជាកីឡាករចំណុះទូក។ លោកថា ឱកាសស្គាល់ភ្នំពេញ និង ឃើញផ្ទាល់នូវ ព្រះរាជពិធីនេះ ជាលើកដំបូង ជាកាដូ ក៏រីករាយមួយក្នុងជីវិតលោក។
លោកបន្ថែមថាៈ «ជីវភាពវាទាបពេក យើងអ្នកខេត្តមាន ជីវភាព មិនសូវ(អំណោយផល)អាចឲ្យដើរបានទេ»។
បុរសវ័យចំណាស់ មកពីខេត្តក្រចេះ ត្អូញត្អែថា ជីវភាពវ័យចាស់របស់លោកពឹងលើ របរធ្វើចម្ការ ដើម្បីចិញ្ចឹមចៅៗកំព្រារ មួយចំនួនក្នុងបន្ទុក ដែលធ្វើឲ្យលោក ពុំមានធនធានច្រើនអាចដើរលំហែឆ្ងាយឡើយ។ ទោះជាបានស្គាល់ភ្នំពេញម្តងនេះហើយក៏ដោយ ក៏លោកនៅប្រាថ្នាមកជាថ្មីក្នុងឱកាសបុណ្យអុំទូកនៅឆ្នាំក្រោយៗទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
