បាងកក និងហាណូយ ជាប់ជាទីក្រុងដែលមាន ប្រព័ន្ធដឹកជញ្ជូនសាធារណៈអាក្រក់បំផុត
- 2017-11-06 08:01:37
- ចំនួនមតិ 0 | ចំនួនចែករំលែក 0
បាងកក និងហាណូយ ជាប់ជាទីក្រុងដែលមាន ប្រព័ន្ធដឹកជញ្ជូនសាធារណៈអាក្រក់បំផុត
ចន្លោះមិនឃើញ
ការសិក្សាថ្មីៗនេះបានរកឃើញថា បាងកក និងហាណូយ ស្ថិតនៅក្នុងចំណោមទីក្រុង ដែលមានប្រព័ន្ធដឹកជញ្ជូនសាធារណៈអាក្រក់បំផុតលើពិភពលោក ប្រចាំឆ្នាំ២០១៧។
ក្នុងចំណោមទីក្រុងចំនួន ១០០ នៅជុំវិញពិភពលោក បាងកក និងហាណូយ បានស្ថិតនៅចំណាត់ថ្នាក់បាតតារាង នៃការសិក្សា Sustainable Cities Mobility Index 2017។ ការសិក្សានេះបានចាត់ចំណាត់ថ្នាក់ប្រព័ន្ធដឹកជញ្ជូនទីក្រុង តាមរយៈ សុវត្ថិភាព , ការចូលធ្វើដំណើរ , ការកកស្ទះ , ការពន្យាពេល និង តម្លៃ។
មិនតែប៉ុណ្ណោះ បាងកក បានជាប់ចំណាត់ថ្នាក់លេខ២ បន្ទាប់ពីទីក្រុង Rio របស់ប្រេស៊ីល ជាទីក្រុងអាក្រក់បំផុត នៅក្នុងផ្នែកសេដ្ឋកិច្ចនៃប្រព័ន្ធដឹកជញ្ជូន មានន័យថា ការធ្វើដំណើរចំណាយពេលយូរ ហើយមនុស្សជាច្រើន មិនអាចមានលទ្ធភាព ដើម្បីប្រើប្រាស់ប្រព័ន្ធដឹកជញ្ជូនសាធារណៈនេះ។
យ៉ាងណាមិញ ទីក្រុងចំនួន៣ នៅតំបន់អាស៊ី បានឈរនៅលើកំពូលតារាងទាំង១០ ក្នុងនោះរួមមានដូចជា ហុងកុង , សេអ៊ូល និង សិង្ហបុរី ជាទីក្រុងមានប្រព័ន្ធដឹកជញ្ជូនសាធារណៈ ល្អបំផុតលើពិភពលោក។ គួរបញ្ជាក់ថា នៅក្នុងការសិក្សាខាងលើ មិនមានរាប់បញ្ចូលទីក្រុងភ្នំពេញឡើយ៕
ខាងក្រោមនេះគឺជាចំណាត់ថ្នាក់កំពូលទាំង១០៖
#១ ហុងកុង
#២ Zurich (ស្វីស)
#៣ បារីស
#៤ សេអ៊ូល
#៥ Prague (សាធារណរដ្ឋឆេក)
#៦ Vienna (អូទ្រីស)
#៧ London
#៨ សិង្ហបុរី
#៩ Stockholm (ស៊ុយអែត)
#១០ Frankfurt (អាល្លឺម៉ង់)
ខាងក្រោមនេះគឺជាចំណាត់ថ្នាក់បាតតារាងទាំង១០៖ (ចំណាត់ថ្នាក់ពី ៩៧-១០០ មិនត្រូវបានបង្ហាញ)
#៨៧ Perth (អូស្ត្រាលី)
#៨៨ Indianapolis (សហរដ្ឋអាមេរិក)
#៨៩ ហ្សាការតា (ឥណ្ឌូនេស៊ី)
#៩០ Lima (ប៉េរូ)
#៩១ មិនត្រូវបានបង្ហាញ
#៩២ បាងកក
#៩៣ មិនត្រូវបានបង្ហាញ
#៩៤ Cairo (អេហ្ស៊ីប)
#៩៥ កូឡាឡាំពួរ
#៩៦ ហាណូយ
ចុចអាន៖