ទួន សាម៉ន ស្ម័គ្រចិត្តធ្វើ Local guides ៥ ឆ្នាំ ទើបបានជាប់ទៅទឹកដីអាមេរិកលើកទីមួយ
- 2017-11-07 02:55:53
- ចំនួនមតិ 0 | ចំនួនចែករំលែក 0
ទួន សាម៉ន ស្ម័គ្រចិត្តធ្វើ Local guides ៥ ឆ្នាំ ទើបបានជាប់ទៅទឹកដីអាមេរិកលើកទីមួយ
ចន្លោះមិនឃើញ
លោក តួន សាមែន បានចំណាយពេលវេលាផ្ទាល់ខ្លួនជិត ៥ ឆ្នាំ ធ្វើជាអ្នកស្ម័គ្រចិត្តកម្មវិធី Google Local Guides រហូតទទួលបានពិន្ទុច្រើនមានឱកាសបានទៅដំណើរកម្សាន្តនៅទឹកដីអាមេរិកជាលើកដំបូងក្នុងជីវិត។
លោកក៏បានចែករំលែកពីការងារ Google Local guides ដើម្បីធ្វើយ៉ាងណាឲ្យទទួលបានពិន្ទុច្រើនបានមកលេងដោយមិនអស់លុយ។
ទាក់ទងនឹងតិចនិកខ្លះៗជាមួយ Google Local guides នេះដំបូងលោក សាមែនចាប់ផ្ដើមការងារស្ម័គ្រចិត្តតាំងពីពាក់កណ្ដាលឆ្នាំ ២០១៣ មកដោយឆ្លៀតចែករំលែកជាការគូរផ្លូវ បញ្ជូលទីតាំងអាជីវកម្មថ្មីៗ ជាពិសេសទីតាំងសាធារណដែលជួយឲ្យសាធារណជនងាយស្វែងរកបានតាមផែនទីហ្គោហ្គល(Google)។
កម្មវិធី Local Guides នេះតែទើបបង្កើតឡើងនៅខែ សីហា ឆ្នាំ ២០១៦ ទេ អាចដោយសារមានក្រេឌិតច្រើនពីមុនមក ទើបលោកមានពិន្ទុច្រើន បន្ទាប់ពីគេបង្រួមចូលគ្នា។
តើគេតម្រូវឲ្យលោកធ្វើអីខ្លះ ទើបអាចជាប់?
Google Local guides មិនទាមទារអ្វីច្រើនទេ គ្រាន់តែតម្រូវឲ្យអ្នកចុះឈ្មោះឲ្យក្លាយជាសមាជិក Local Guides ដើម្បីឲ្យកម្មវិធីងាយស្រួលគ្រប់គ្រងស្ថិតិការចូលរួម។ បន្ទាប់មកអាចចាប់ផ្ដើមតាមរយៈដូចជា ការបញ្ចូលទីតាំងថ្មីៗ បញ្ចូលរូបថតទីតាំងទាំងនោះ ឬទីតាំងផ្សេងទៀតដែលយើងស្គាល់ច្បាស់ឲ្យអ្នកដទៃស្គាល់ តាមរយៈការណែនាំជាបទពិសោធន៍ដែលបានជួបផ្ទាល់។ កែតម្រូវព័ត៌មានទីតាំង ដែលខ្វះខាតដោយប្រើតែលើកម្មវិធីផែនទី Google ដែលមានស្រាប់នៅលើស្មាតហ្វូន។ រាល់ការងារទាំងនេះ គេគិតពិន្ទុឲ្យដូចជាការបញ្ចូលទីតាំងថ្មីបាន ១៥ពិន្ទុ ឲ្យផ្កាយនិងផ្ដល់មតិ ៦ពិន្ទុ ដាក់រូបថត ៥ពិន្ទុ កែតម្រូវព័ត៌មានទីតាំងដែលខ្វះខាតបាន ៥ពិន្ទុ។ នៅពេលបានពិន្ទុគ្រប់តាមចំនួនកម្មវិធីបានកំណត់ គេនឹងផ្ញើជាអ៊ីម៉ែលមកបញ្ជាក់ប្រាប់។
តើលក្ខខណ្ឌក្នុងការធ្វើឲ្យជាប់ rate ត្រូវការមានអីខ្លះ?
ចំពោះលក្ខខណ្ឌដើម្បីធ្វើឲ្យជាប់ rate (ផ្ដល់ពិន្ទុឬវាយតម្លៃ) កាន់តែសកម្ម កាន់តែមានឱកាស ដោយសារលោកតែងតែប្រើប្រាស់ផែនទី Google ជាប្រចាំ ដើម្បីកុំឲ្យខាតប្រើផងចូលរួមផងជាមួយគ្នា ហើយការចូលរួមនេះគឺដូចបានរៀបរាប់ខាងលើ។
អ្វីដែលសំខាន់នោះគឺ ត្រូវជៀសវាងដាច់ខាត កុំបញ្ចូលព័ត៌មានដែលខុសឬមិនពិត និងកុំបំពានព័ត៌មានរបស់អ្នកដទៃ មានន័យថាមិនមែនធ្វើដើម្បីតែបានពិន្ទុទេ គឺត្រូវតែស្គាល់ទីតាំងទាំងនោះប្រាកដមែន ហើយត្រូវគោរពសិទ្ធអ្នកដទៃ បើគេបញ្ចូលរួចហើយ មិនត្រូវបញ្ចូលឲ្យត្រួតគ្នាទេ តែអ្នកអាចជួយកែព័ត៌មាននៃទីតាំងនោះបានបើវានៅខ្វះចន្លោះ ហើយបានពិន្ទុដូចគ្នា។
លោកក៏បានបន្ថែមទៀតថា លោកសប្បាយចិត្តយ៉ាងខ្លាំងដែលត្រូវបានក្រុមការងារកម្មវិធី Google Local guides ជ្រើសរើស និងបានជាន់លើទឹកដីអាមេរិកដោយមិនអស់លុយមួយរៀលនោះ។ លោកក៏បានលើកទឹកចិត្តដល់យុវវ័យដែលនិយមចូលចិត្តទៅដើរកម្សាន្តនៅតាមតំបន់រមណីយដ្ឋាន ឬតំបន់ទេសចរណ៍ស្អាតៗក្នុងស្រុក ឱ្យពួកគាត់ថតរូបទាំងនោះថតរូបផ្សេងៗដាក់បញ្ចូលក្នុង Google Map និងផ្ដល់ពិន្ទុឬវាយតម្លៃទីនោះ(Rate) ដើម្បីជាការទាក់ទាញភ្ញៀវ ទេសចរណ៍បរទេសឱ្យមកទស្សនាប្រទេសកម្ពុជាយើងកាន់តែច្រើន ព្រោះដែលភាគច្រើន ពួកគេ(បរទេស)ស្វែងរកព័ត៌មានពីតំបន់ទេសចរណ៍ទាំងនោះតាមរយៈ Google Map៕
ចុចអានបន្ត៖