ទស្សនកិច្ចប្រទេសជប៉ុន តែ ដូណាល់ ត្រាំ មិនទទួលទានអាហារជប៉ុន

2017-11-07 06:52:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិក ដូណាល់ ត្រាំ ធ្លាប់បាននិយាយ កាលពីអំឡុងដំណើរទស្សនកិច្ចប្រទេសជប៉ុន កាលពីឆ្នាំ១៩៩០ ថា លោកនឹងមិនទទួលទានត្រីឆៅឡើយ ហើយបានជ្រើសរើសយកប៊ឺហ្គឺ McDonald ជំនួសវិញ។

បើទោះបីជាប្រទេសជប៉ុន ត្រូវបានគេស្គាល់ និងកោតសរសើរចំពោះម្ហូបអាហារដ៏អស្ចារ្យរបស់ពួកគេ ជាមួយនឹងភោជនីយដ្ឋានលំដាប់ផ្កាយ ជាច្រើនកន្លែងក្ដី ប៉ុន្តែ លោក ត្រាំ នឹងមិនទទួលទានអ្វីក្រៅពីរបបអាហាររបស់អាមេរិកឡើយ ក្នុងអំឡុងដំណើរទស្សនកិច្ចប្រទេសជប៉ុន ឆ្នាំ២០១៧នេះ។

ក្នុងអំឡុងពេលអាហារថ្ងៃត្រង់ ជាមួយនាយករដ្ឋមន្ត្រីជប៉ុន លោក ស៊ីនហ្សូ អាបេ គឺគ្មានអាហារជប៉ុននៅលើតុរបស់អ្នកទាំង២ឡើយ។ ផ្ទុយទៅវិញ លោក ត្រាំ បានជ្រើសរើសយកប៊ឺហ្គឺ ដែលមានប្រភពសាច់គោពីអាមេរិក នៅក្នុងហាងអាហារជប៉ុនមួយកន្លែង ឈ្មោះ Munch’s Burger Shack។

ការិយាល័យរបស់នាយករដ្ឋមន្ត្រីជប៉ុន បានសរសេរសារនៅលើបណ្ដាញសង្គម ហ្វេសប៊ុក ថា «ខ្ញុំសូមស្វាគមន៍លោកប្រធានាធិបតី ដូណាល់ ត្រាំ អស់ពីដួងចិត្ត ចំពោះដំណើរទស្សនកិច្ចរបស់លោក មកកាន់ប្រទេសជប៉ុន។ យើងកំពុងទទួលទានប៊ឺហ្គឺ សម្រាប់អាហារថ្ងៃត្រង់របស់យើង»។