មីយ៉ាន់ម៉ា មកដល់កម្ពុជាល្ងាចនេះ យក២៣នាក់មក ពេញជើងល្អណាស់

2017-11-07 06:57:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិមីយ៉ាន់ម៉ា នឹងមកដល់កម្ពុជានៅល្ងាចនេះហើយ ដើម្បីត្រៀមខ្លួនប្រកួតមិត្តភាពអន្តរជាតិជាមួយគោព្រៃកម្ពុជា នៅថ្ងៃទី៩ខែវិច្ឆិកាឆ្នាំ២០១៧ខាងមុខនេះនៅពហុកីឡដ្ឋានជាតិ។

មកកម្ពុជានេះដែរ ក្រុមរបស់លោក Gerd Zeise បានកោះហៅកីឡាករ២៣នាក់ ដែលជាជម្រើសល្អបំផុតរបស់ពួកគេ ត្បិតអីជាការប្រកួតមិត្តភាពប៉ុន្តែត្រូវការឈ្នះជាចាំបាច់។ ដោយក្នុងនោះ Key Player ទាំង៣រួមមាន Aung Thu កីឡាករ Kyaw Ko Ko និង Yan Aung Kyaw ក៏ដាក់មកអស់ហើយដែរ។

មួយវិញទៀតការប្រកួតជាមួយកម្ពុជានេះដែរ គឺជាការប្រកួតកម្ដៅសាច់ដុំមួយរបស់មីយ៉ាន់ម៉ាមុនទៅប៉ះក្រុមខ្លាំងឥណ្ឌា ក្នុងពានរង្វាន់ Asian Cup វគ្គជម្រុះពូល A ។ ដោយការប្រកួតនោះ គឺក្រុមមីយ៉ាន់ម៉ាត្រូវការជ័យជម្នះជាចាំបាច់ ដើម្បីបន្ដក្ដីសង្ឃឹមបានទៅលេងវគ្គបន្ដបាន ព្រោះពួកគេកំពុងឈរលេខ២មាន៤ពិន្ទុ ក្រោយពីប្រកួត៣ប្រកួត ខណៈដែលឥណ្ឌាមាន១២ពិន្ទុប្រកួតបាន៤ប្រកួត៕

អត្ថបទ៖ មុន្នីរម្យ