Barcelona ចូលខ្លួនប្រជែងយក Griezmann ពី Atletico
- 2017-11-07 08:45:16
- ចំនួនមតិ 0 | ចំនួនចែករំលែក 0
Barcelona ចូលខ្លួនប្រជែងយក Griezmann ពី Atletico
ចន្លោះមិនឃើញ
Barcelona ចាប់ផ្ដើមប្រឡូកក្នុងសមរភូមិដណ្ដើមទិញ Antoine Griezmann ពីគូប្រជែង Atletico Madrid ដែលលេងនៅ La Liga ជាមួយគ្នា។
ខ្សែប្រយុទ្ធសញ្ជាតិបារាំងមានថ្លៃទិញផ្ដាច់កុងត្រា ១០០លានអឺរ៉ូ ដែលតម្លៃនេះត្រូវក្លឹបមានមូលដ្ឋាននៅកាតាឡាន់គិតថាវាសក្ដិសម និងអាចទទួលយកបាន។ កាលពីដើមរដូវកាល Barcelona ក៏ធ្លាប់ចាប់អារម្មណ៍យក Griezmann ទៅជំនួស Neymar ម្ដងដែរតែពេលនោះថ្លៃផ្ដាច់កុងត្រាខ្ពស់ពេករហូតដល់ ២០០លានអឺរ៉ូ។
ឧបសគ្គមួយទៀតដែលគ្មាននរណាអាចយកតារាឆ្នើមវ័យ២៥ឆ្នាំ គឺដោយសារAtlectico ជាប់បម្រាមមិនឲ្យទិញដូរកីឡាករ ធ្វើឲ្យ Griezmann ខ្លួនឯងសម្រេចចិត្តមិនចាកចេញនៅគ្រាដែលក្លឹបកំពុងមានអាសន្ន។
Griezmann អតីតកីឡាករ Real Sociedad ចាប់ផ្ដើមរដូវកាលមិនល្អប៉ុន្មានទេជាមួយ Atletico ក្នុងនោះរកបានទើបតែ៣ គ្រាប់ប៉ុណ្ណោះនៅរដូវកាលថ្មីខណៈក្រុមដែលដឹកនាំដោយលោក Diego Simeone បច្ចុប្បន្នឈរលេខ៤នៅ La Liga និងប្រឈមមុខការធ្លាក់ទៅលេងនៅ UEFA Europa League៕