តោះ! មកមើលតារាចម្រៀងកូរ៉េល្បីៗ ទាំង ១០រូបដែលសម្បូរទ្រព្យសម្បត្តិច្រើនជាងគេ

2017-11-07 23:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងកូរ៉េចាប់ផ្ដើមល្បីរន្ទឺជុំវិញពិភពលោក ហើយតារាល្បីៗមួយចំនួនពិតជាឱកាសទទួលបានចំណូលច្រើនពីអ្វីដែលពួកគេប្រឹងប្រែងក្នុងមួយឆ្នាំៗ។

ការលក់អាល់ប៊ុម និងរបស់របរផ្សេងៗ ធ្វើឲ្យតារាទាំងប៉ុន្មានដួងខាងក្រោមនេះមានទ្រព្យសម្បត្តិច្រើនជាងគេ បើប្រៀបធៀបទៅនឹងតារាៗដទៃទៀត៕

១. តារាចម្រៀង PSY

វាគ្មានអ្វីគួរឲ្យភ្ញាក់ផ្អើលទេ ដែលម្ចាស់បទ "Gangnam Style” រូបនេះមានទ្រព្យសម្បត្តិលើសលប់នោះ។ ដោយសារប្រជាប្រិយភាព និងការងារមានជាហូរហែ កាន់តែធ្វើឲ្យលោកមានលេចធ្លោខ្លាំង។ ជាមួយគ្នានោះ ថ្មីៗលោកបានចេញអាល់ប៊ុមថ្មី 4×2=8 ជាហេតុធ្វើឲ្យចំណូលលោកកាន់តែកើនឡើងខ្លាំង គឺរហូតទៅដល់ ៤៥ លានដុល្លារ។

២. តារាចម្រៀង Siwon

ដោយមានបទពិសោធន៍ការងារជាអ្នកចម្រៀង តារាសម្តែង និងជាតារាម៉ូដែលផងនោះ Siwon ត្រូវបានដឹងថាមានទឹកប្រាក់រហូតដល់ ៣៥ លានដុល្លារឯណោះ។

៣. តារាចម្រៀង G-Dragon

G-Dragon មិនត្រឹមតែជាតារាចម្រៀងដ៏ល្បីមួយរូបនោះទេ លោកក៏ជាម្ចាស់ជំនួញរបស់ហាងច្នៃម៉ូដមួយដែរ ដែលមានឈ្មោះថា PeaceMinusOne ។ ការងារសិល្បៈ និងមុខជំនួញផ្ទាល់ខ្លួនផងនោះ តារារូបនេះមានទឹកប្រាក់សរុបរហូតដល់ ២១ លានដុល្លារ។

៤. តារាចម្រៀង Rain

Rain បានទទួលភាពល្បីល្បាញទាំងក្នុងប្រទេស និងក្រៅប្រទេស តាមសេចក្ដីរាយការណ៍បានឲ្យដឹងថា ប្រាក់ចំណូលតារាប្រុសរូបនេះ កើនដល់ជិត ២០ លានដុលា្លរ។

៥. តារាចម្រៀង Sandara Park

Sandara Park ទទួលបានភាពជោគជ័យចាប់តាំងពីនាងច្រៀងនៅប្រទេសកូរ៉េជាលើកដំបូងមកម៉្លេះ។ បច្ចុប្បន្ន តាមរយៈការសម្តែង និងជាតារាតំណាងឲ្យផលិតផលផ្សេងៗ បានធ្វើឲ្យតារាស្រីរូបនេះអាចរកប្រាក់ចំណូលបានរហូតដល់ទៅ ១៦ លានដុល្លារ។

៦. តារាចម្រៀង IU

IU ជាតារាចម្រៀងដ៏ល្បី និងមានប្រជាប្រិយភាពប្រចាំប្រទេសកូរ៉េ។ នាងល្បីល្បាញទាំងវិស័យចម្រៀង និងសម្ដែង ហើយមានទឹកប្រាក់សរុបចំនួន ១៥ លានដុល្លារ។

៧. តារាចម្រៀង BoA

BoA ត្រូវបានស្គាល់ថាជាតារាជើងចាស់ដ៏ល្បីប្រចាំប្រទេសកូរ៉េ ដោយប្រលូកសិល្បៈជាង ១៧ឆ្នាំមកហើយ។ មកទល់ពេលនេះ BoA មានប្រាក់ចំនួន ១៤ លានដុល្លារ។

៨. តារាចម្រៀង Yoona

មិនត្រឹមតែជាសមាជិកក្រុមតារាចម្រៀងដ៏ល្បី Girls’ Generation នោះទេ តារាស្រីរូបនេះក៏ជាតារាសម្តែងប្រចាំប្រទេសកូរ៉េ និងប្រទេសចិនថែមទៀតផង។ តាមប្រភពបានឲ្យដឹងថា Yoona មានទ្រព្យសម្បត្តិចំនួន ១១ លានដុល្លារ។

៩. តារាចម្រៀង Suzy

តារាចម្រៀង និងជាតារាសម្តែងរូបនេះ ពិតជាអាចរកប្រាក់ចំណូលបានច្រើន។ ជាងនេះទៅទៀត នាងក៏ជាតារាតំណាងផលិតផលម៉ាកល្បីមួយប្រចាំប្រទេសកូរ៉េផងដែរ នាងអាចរកចំណូលបានប្រហែល ៨,៨ លានដុល្លារ។

១០. តារាចម្រៀង Taeyang

ជាសមាជិកក្រុម BIGBANG និងជាអ្នកចម្រៀងទោលផងនោះ ប្រិយមិត្តពិតជាគ្មានអីត្រូវភ្ញាក់ផ្អើលទេដែលតារាចម្រៀងរូបនេះរកប្រាក់ចំណូលបានច្រើននោះ។ Taeyang ត្រូវគេដឹងថាមានទ្រព្យសម្បត្តិប្រហែល ១០ លានដុល្លារ៕

ប្រភព៖ Koreaboo ប្រែសម្រួល៖ អន សុភក្ត្រា