Pepe ថា អ្នកគាំទ្រក្លឹប Real Madrid មានទឹកចិត្តគាំទ្រ នៅស្ទើរជាងអ្នកគាំទ្រក្លឹបថ្មីខ្លួន
- 2017-11-07 12:11:00
- ចំនួនមតិ 0 | ចំនួនចែករំលែក 0
Pepe ថា អ្នកគាំទ្រក្លឹប Real Madrid មានទឹកចិត្តគាំទ្រ នៅស្ទើរជាងអ្នកគាំទ្រក្លឹបថ្មីខ្លួន
ចន្លោះមិនឃើញ
បើទោះជាធ្លាប់លេងឲ្យក្លឹប Real Madrid ដល់ទៅជាង ១០ ឆ្នាំក៏ដោយ ខ្សែការពារ Pepe កាលពីពេលថ្មីៗនេះបាននិយាយថា អ្នកគាំទ្រក្លឹបមួយនេះ មានទឹកចិត្តគាំទ្រពុះកញ្ជ្រោលមិនឈ្នះអ្នកគាំទ្រក្លឹបទួរគី Besiktas ដែលជាក្លឹបថ្មីរបស់ខ្លួនឡើយ។
Pepe បានថ្លែងទៅកាន់សារព័ត៌មាន beIN Sports ថា៖ **"ក្នុងពិភពបាល់ទាត់ គេតែងតែនិយាយថា អ្នកគាំទ្រក្លឹប Real Madrid មានទឹកចិត្តគាំទ្រពុះកញ្ជ្រោលណាស់ ប៉ុន្តែខ្ញុំគិតថា វាមិនមែនជាការពិតឡើយ។** ពួកគេមិនមែនអញ្ចឹងទេ។ ខ្ញុំដឹងថា អ្នកគាំទ្រក្លឹប Real Madrid ប្រហែលជាមិនចង់លឺខ្ញុំនិយាយបែបនេះទេ ប៉ុន្តែនេះគឺជាការយល់ឃើញរបស់ខ្ញុំ"។
ក្នុងន័យសរសើរអ្នកគាំទ្រក្លឹបថ្មីខ្លួន ខ្សែការពារសញ្ជាតិព័រទុយហ្គាល់រូបនេះបានបន្តទៀតថា៖ "អ្នកគាំទ្រក្លឹប Besiktas មានទឹកចិត្តគាំទ្រមោះមុតណាស់។ ពេលដែលអ្នកចូលដល់ទីលានប្រកួត អ្នកនឹងលឺសំឡេងគាំទ្រមិនចេះឈប់ពីអ្នកគាំទ្រក្លឹបមួយនេះ។ បរិយាកាសបែបនេះ មានភាពខុសគ្នាណាស់ពីបរិយាកាសគាំទ្រនៅក្លឹប Real Madrid។ នៅទួរគី ប្រជាពលរដ្ឋស្រលាញ់វិស័យកីឡាណាស់ ពួកគេគិតតែរឿងបាល់ទាត់ទេ"។
ខ្សែការពារ Pepe ទើបតែចាកចេញពីក្លឹប Real Madrid ទៅ Besiktas ក្នុងខែកក្កដា ឆ្នាំ២០១៧ នេះប៉ុណ្ណោះ បន្ទាប់ពីលេងឲ្យក្លឹបយក្សអេស្ប៉ាញមួយនេះតាំងពីឆ្នាំ ២០០៧៕