ក្លឹបមួយនៅទួរគី ចង់បាន Fellaini ពី Man Utd
- 2017-11-07 23:20:00
- ចំនួនមតិ 0 | ចំនួនចែករំលែក 0
ក្លឹបមួយនៅទួរគី ចង់បាន Fellaini ពី Man Utd
ចន្លោះមិនឃើញ
សមាជិកក្រុមប្រធានក្លឹបទួរគី Besiktas កាលពីពេលថ្មីៗនេះបាននិយាយថា ខ្សែបម្រើកម្ពស់ខ្ពស់ Marouane Fellaini គឺស្ថិតនៅក្នុងបញ្ជីកីឡាករដែលក្លឹបមួយនេះនឹងព្យាយាមទិញនាពេលខាងមុខ។
លោក Metin Albayrak សមាជិកប្រធានក្រុមប្រធានក្លឹបទួរគីមួយនេះ បានបង្ហើបឲ្យដឹងថា៖ “Fellaini ជាកីឡាករដែលស្ថិតនៅក្នុងបញ្ជីរបស់យើង។ យើងនឹងខិតខំប្រឹងប្រែងក្នុងការនាំរូបគេឲ្យមកលេងឲ្យក្លឹបយើង"។ ទោះជាយ៉ាងណា លោក Albayarak បាននិយាយថា៖ "មិនមែនមានតែ Fellaini មួយទេ ដែលក្លឹបតាមទិញ នៅមានកីឡាករជាច្រើនទៀតដែលក្លឹបកំពុងតាមដានយ៉ាងចិត្តទុកដាក់"។
លោកក៏បានបន្ថែមទៀតថា៖ "គម្រោងក្នុងការទិញដូរកីឡាករ មិនបញ្ចប់ត្រឹមនេះឡើយ ពួកយើងកំពុងធ្វើការយ៉ាងសស្រាក់សស្រាំលើកិច្ចការមួយនេះ"។
ខ្សែបម្រើ Fellaini បានចាកចេញពីក្លឹប Everton ទៅចូលរួមជាមួយក្លឹប Manchester United កាលពីឆ្នាំ ២០១៣ ក្នុងតម្លៃជិត ៣០លានផោន។ បើទោះជារងការទិតៀនជាច្រើនកាលពីពេលកន្លងមក ខ្សែបម្រើហាក់មានទម្រង់លេងល្អ និងជាកីឡាករសំខាន់មួយរូបរបស់ក្លឹបបិសាចក្រហម ក្រោមការដឹកនាំរបស់អ្នកចាត់ការ Jose Mourinho៕