គ្រូមីយ៉ាន់ម៉ា ថា មកកម្ពុជាដើម្បីជ័យជម្នះ
- 2017-11-08 04:51:36
- ចំនួនមតិ 0 | ចំនួនចែករំលែក 0
គ្រូមីយ៉ាន់ម៉ា ថា មកកម្ពុជាដើម្បីជ័យជម្នះ
ចន្លោះមិនឃើញ
លោក Gerd Zeise គ្រូបង្វឹកមីយ៉ាន់ម៉ាបានបង្ហាញពីគោលជំហរក្រុមរបស់ខ្លួនថា មកទឹកដីកម្ពុជាគឺលេងដើម្បីឈ្នះបើទោះជាការប្រកួតមិត្តភាពក៏ដោយ។
ក្រុមកម្ពុជា នឹងបើកទ្វាផ្ទះស្វាគមន៍ក្រុមមីយ៉ាន់ម៉ានាវេលាម៉ោង ៦:៣០នាទីស្អែកនេះនៅពហុកីឡដ្ឋានជាតិ ដែលជាការប្រកួតត្រៀមខ្លួនជួបហ្សកដានីក្នុងការប្រកួតផ្លូវការវគ្គជម្រុះ AFC Asian Cup នៅថ្ងៃទី១៤ ខែវិច្ឆិកា ឆ្នាំ២០១៧ នៅពហុកីឡដ្ឋានជាតិ។
ថ្លែងក្នុងសន្និសីទកាសែតគ្រូបង្វឹកសញ្ជាតិអាល្លឺម៉ង់រូបនេះបាននិយាយថា ជំនួបមិត្តភាពនេះជារឿងល្អបំផុតសម្រាប់ប្រទេសទាំងពីរ ក្នុងការត្រៀមខ្លួនការប្រកួតផ្លូវការមកដល់។ ចំពោះទស្សនៈរបស់លោក ការមកទឹកដីកម្ពុជាលើកនេះគឺលេងដើម្បីឈ្នះ។
លោកបន្ថែមថា បើក្រឡេកមើលកម្រិតសមត្ថភាពរបស់កម្ពុជាបច្ចុប្បន្ន មានភាពរីកចម្រើនជាងកាលពីរឬបីឆ្នាំមុនខ្លាំង ទាំងបច្ចេកទេស ការបទបែនលើទីលាន និងភាពរហ័សរហួន។ លោកគិតថា ជំនួបនេះមិនមែនជារឿងងាយស្រួលឡើយ សម្រាប់ក្រុមមីយ៉ាន់ម៉ាក្នុងការយកឈ្នះម្ចាស់ផ្ទះ។
មីយ៉ាន់ម៉ាការប្រកួតជាមួយកម្ពុជាគឺដើម្បីត្រៀមខ្លួនជួបក្រុមខ្លាំងឥណ្ឌា ក្នុងការប្រកួតផ្លូវការវគ្គជម្រុះ AFC Asian Cup នៅថ្ងៃទី១៤ ខែវិច្ឆិកា ឆ្នាំ២០១៧ ៕