ចម្លែកហួស! បុរសម្នាក់រស់នៅលើដើមដូងមិនព្រមចុះដី អស់រយៈពេល ៣ឆ្នាំ

2017-11-08 09:20:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេល ៣ឆ្នាំហើយ បុរសជនជាតិហ្វីលីពីនម្នាក់ បានរស់នៅលើដើមដូង មិនព្រមចុះមកប៉ះដីសោះ ព្រោះតែមានអារម្មណភ័យខ្លាចគេតាមសម្លាប់ រហូតដល់ក្រុមអ្នកជួយសង្គ្រោះជួយកាលពីខែមុន។

បុរសដ៏ចម្លែកនេះ មានឈ្មោះ Gilbert Sanchez មានអាយុ៤៧ឆ្នាំ ជាអ្នករស់នៅកោះ Mindanao នៃប្រទេសហ្វីលីពីន។ សារព័ត៌មានក្នុងស្រុក GMA បានទៅដល់កន្លែងដែលបុរសខាងលើរស់នៅ ដើម្បីស្វែងយល់ពីការពិត ព្រោះល្បីតគ្នាពីរឿងដ៏ចម្លែកនេះ។

ប្អូនប្រុសរបស់ Sanchez ឈ្មោះ Aldrian បានប្រាប់ថា បងប្រុសរបស់លោក ចេះតែមានអារម្មណ៍ភ័យខ្លាចគេតាមសម្លាប់។ លោក Sanchez ជាកូនបងបង្អស់នៃត្រកូលគ្រួសារ ដែលមានកូន ៨នាក់។ លោកមានប្រពន្ធដែរ តែស្លាប់ចោលតាំងពីឆ្នាំ២០០០ បន្ទាប់ពីផ្ដល់កំណើតដល់កូនទី២។

ក្នុងតំបន់ដែល Sanchez រស់នៅ មានអាកាសធាតុប្រែប្រួលជានិច្ច គឺរដូវក្ដៅ ក្ដៅខ្លាំង ហើយបើរដូវភ្លៀងវិញ មានព្យុះប្រហែល២០ ក្នុងមួយឆ្នាំ ប៉ុន្តែបែរជា Sanchez អាចរស់នៅលើដើមដូងបាន ហើយសូម្បីគ្រួសាររបស់លោក ក៏ពិបាកពន្យល់ដែរ។ លើសពីនេះទៅទៀត បុរសចម្លែកនេះបានទុកកាំបិតទុកក្បែរខ្លួន ការពារអ្នកដែលមានបំណងឡើងទៅជួយយកលោកចុះមកវិញផងដែរ។ ចំពោះអាហារវិញ ម្ដាយរបស់លោក តែងយកទៅឲ្យដល់ដើមដូង តាំងពីចាប់ផ្ដើមឡើងទៅរស់នៅក្នុងឆ្នាំ២០១៤។ យូរម្ដង ម្ដាយរបស់ Sanchez ក៏បានយកកន្ត្រៃទៅឲ្យ ដើម្បីកាត់សក់ផងដែរ។

ទោះបែបនេះក្ដី កាលពីខែមុន ក្រុមអ្នកជួយសង្គ្រោះ បានជួបុរសចម្លែកនេះ ដោយកាត់ដើមដូង និងបន្ទាបមកម្ដងបន្តិចៗ។ លោក Sanchez ត្រូវបានបញ្ជូនទៅមន្ទីរពេទ្យភ្លាមៗ ព្រោះរាងកាយលោក ត្រូវបានសត្វល្អិតទិច និងស្លាកស្នាមកន្ទួលជាច្រើន។ លោក Sanchez ត្រូវព្យាបាលដោយពេទ្យរោគចិត្តទៀត ព្រោះពេលនេះអារម្មណ៍មិននឹងនឡើយ៕

ទស្សនាវីដេអូ៖

ចុចអានអត្ថបទ៖

ប្រភព៖ Coconut ប្រែសម្រួល៖ គង់ វិសាល