iOS 11 វិវត្តមុខងារពិសេសមួយ ត្រូវចិត្តអ្នកចូលចិត្តលេងទូរសព្ទដាច់យប់

2017-11-10 03:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខងារថ្មីបង្កប់ក្នុង iOS 11 ហៅថា Smart Invert ជាការវិវត្តបន្ទាប់ពីមុខងារចាស់ Invert Color ធ្លាប់មានលើ iOS 10។ ភាពខុសគ្នាចម្បងរវាងមុខងារទាំង ២ គឺត្រង់ការអាប់ដែតថ្មី មានភាពឆ្លាតវៃជាងមុនឆ្ងាយ ដោយជៀសវាងប្ដូរពណ៌មិនថារូបភាពឬឯកសារវីដេអូ ក៏ដូចជា icon នៃកម្មវិធីមួយចំនួនដែលមានពណ៌ងងឹតរួចហើយដូចជាកម្មវិធី Clock ជាដើម។

យើងនិយមប្រើមុខងារ Smart Invert នៅពេលយប់ងងឹតឬទីតាំងខ្សោយពន្លឺ ជៀសវាងការប្រើផ្ទៃពណ៌ពីអេក្រង់ធម្មតា អាចធ្វើឲ្យយើងស្រវាំងភ្នែកនិងត្រូវចំណាយថាមពលខ្លាំងក្នុងសម្លឹង ម្ល៉ោះនៅពេលប្ដូរទៅជា Dark Mode ផ្ទៃអេក្រង់ទាំងមូល នឹងប្ដូរទៅភាពស្រអាប់ ពណ៌ដែលចាំងខ្លាំងនិងបន្ថយទៅជាពណ៌ខ្មៅ ស្របនឹងពន្លឺនៅជុំវិញខ្លួនរបស់អ្នក។

ដើម្បីដំណើរការមុខងារ Smart Invert លើ iOS 11 យើងត្រូវ៖

ចូលទៅ Settings
ចុច General > Accessibility
អូសមកក្រោម យកពាក្យ Accessibility Shortcut
រកពាក្យ Smart Invert Colors ហើយចុចយក (ឲ្យឃើញសញ្ញាគ្រីសពណ៌ខៀវ)
ចុចប៊ូតុង Home ៣ ដងដើម្បីដំណើរការ (អ្នកនឹងឃើញផ្ទៃអេក្រង់ប្តូរពណ៌) .- ចុចប៊ូតុង Home ៣ ដងទៀតដើម្បីបិទមុខងារនោះវិញ។

អានអត្ថបទបន្ទាប់

ប្រភព៖ idropnews ប្រែសម្រួល៖ កៅ រក្សា