៤ ចំណុចសំខាន់របស់ Art's Container ដែលអ្នកមិនធ្លាប់ទៅ គួរតែសាក
- 2017-11-10 07:20:31
- ចំនួនមតិ 0 | ចំនួនចែករំលែក 0
៤ ចំណុចសំខាន់របស់ Art's Container ដែលអ្នកមិនធ្លាប់ទៅ គួរតែសាក
ចន្លោះមិនឃើញ
ផ្សារកុងទីន័រកណ្ដាលក្រុងភ្នំពេញ Art's Container ទើបបើកបានប៉ុន្មានខែប៉ុណ្ណោះ តែមានមនុស្សច្រើនឡើងៗចាប់ផ្ដើមទៅកម្សាន្តមិនដាច់។ ផ្សារនេះ មានទីតាំងស្ថិតពីក្រោយតារាបាល់ Central Park Sports Complex នៅ Phnom Penh City Center ជិតក្ដាន់ពីរ។ មាន ៤ ចំណុចសំខាន់ៗរបស់ផ្សារមួយនេះ ជាមូលហេតុមានគេទៅច្រើន៖
១. អត់មានភ្លេងរញ៉េរញ៉ៃច្រើន
អ្នកទៅលេងភាគច្រើនសរសើររឿងមួយនេះ ព្រោះតាមហាងនីមួយៗមិនអាចចាក់ភ្លេងតាមចិត្តចង់បានទេ គឺមានតែឆាកតន្ត្រីកណ្ដាលផ្សារមួយតែប៉ុណ្ណោះ ហើយឧស្សាហ៍មានតារាចម្រៀងមកចូលរួមទៀតផង។
២. ម្ហូប និងភេសជ្ជៈ
យើងអាចរកម្ហូបឆ្ងាញ់ៗប្លែកប្រចាំអ្នកខេត្តកំពង់សោម និងម្ហូបបែបថៃនៅហាង Loading ,សាច់អាំងចង្កាក់បែបជប៉ុនដែលមានចុងភៅពីសណ្ឋាគារ សុខា នៅហាង Urban Beer House Xpress ស្រាក្រឡុក Cocktail ឆ្ងាញ់ៗនៅហាង Aloha Beach Bar និងហាងជាច្រើនទៀត។
៣. បរិយាកាស
ម្ហូបឆ្ងាញ់ Cocktail ក៏អេម តែបើបរិយាកាសមិនអំណោយផល គឺចប់ហើយ។ Art's Container ស្ថិតនៅកណ្ដាលដីវាលដ៏ធំរបស់ Phnom Penh City Center ដែលមានចរន្តខ្យល់ចេញចូលត្រសៀកៗមិនហប់។ ប៉ះចំខែធ្លាក់ខ្យល់អ៊ីចឹង ដឹងតែអេមម៉ង។ ម្យ៉ាងទៀត ផ្សាររៀបចំបានល្អទាំងផ្លូវដើរ ទីធ្លាហាង។ សំខាន់ សម្បូរស្រីស្អាតទៅលេងដែរតាស់!
៤. កន្លែងចត
ត្រង់នេះ ជាបញ្ហាឈឺក្បាលសម្រាប់អ្នកនៅភ្នំពេញ គឺពិបាករកកន្លែងចតតែម្ដងពេលទៅណាទៅណី។ Art's Container វិញ ខ្វល់រឿងហ្នឹងសោះហ្មង ពិសេសសម្រាប់អ្នកជិះឡាន ដោយសារកន្លែងចតបានរាប់រយឡានឯណោះ។
Art's Container ទើបបើកជាផ្លូវការកាលពីថ្ងៃទី២៦ សីហា ២០១៧ ផ្ដោតសំខាន់ទៅលើអាហារ និងភេសជ្ជៈ ហើយមានប្រមាណជាង ៦០តូប៕