ជើងឯក E-Sports តំបន់ទី៥ ភ្នំពេញ និង៣ខេត្តទៀត ចាប់ប្រកួតថ្ងៃស្អែក
- 2017-11-10 08:14:01
- ចំនួនមតិ 0 | ចំនួនចែករំលែក 0
ជើងឯក E-Sports តំបន់ទី៥ ភ្នំពេញ និង៣ខេត្តទៀត ចាប់ប្រកួតថ្ងៃស្អែក
ចន្លោះមិនឃើញ
ការប្រកួតកីឡាអេឡិចត្រូនិកថ្នាក់ជាតិប្រចាំឆ្នាំ២០១៧នឹងត្រូវប្រកួតតំបន់ទី៥ចុងក្រោយនា ថ្ងៃសៅរ៍ ទី១១ ខែវិច្ឆិកា ស្អែកនេះហើយដើម្បីស្វែងរកក្រុមខ្លាំងឡើងទៅប្រកួតជុំផ្តាច់ព្រ័ត្រ។
បន្ទាប់ពីស្វែងរកឃើញក្រុមខ្លាំងៗមកពីតំបន់៤គឺតំបន់តំបន់ទី១៖ កំពង់ចាម ក្រចេះ ស្ទឹងត្រែង រតនគិរី និងមណ្ឌលគិរី (ប្រកួតនៅថ្ងៃទី ៣០ ខែកញ្ញា ឆ្នាំ២០១៧)។ តំបន់ទី២៖ កំពង់ធំ ព្រះវិហារ សៀមរាប និងឧត្តរមានជ័យ (ប្រកួតនៅថ្ងៃទី ០៧ ខែតុលា ឆ្នាំ២០១៧)។ តំបន់ទី៣៖ កំពង់ឆ្នាំង ពោធិ៍សាត់ បាត់ដំបង ប៉ៃលិន និង បន្ទាយមានជ័យ (ប្រកួតនៅថ្ងៃទី ១៤ ខែតុលា ឆ្នាំ២០១៧)។ តំបន់ទី៤៖ តាកែវ កំពត ព្រះសីហនុ កោះកុង និងកំពង់ស្ពឺ (ប្រកួតនៅថ្ងៃទី ២១ ខែតុលា ឆ្នាំ២០១៧)។ ពេលនេះឈានដល់តំបន់ទី៥ហើយគឺ រាជធានីភ្នំពេញ កណ្តាល ព្រៃវែង និងស្វាយរៀង។
ក្រុមដែលទទួលបានជយលាភីតំណាងខេត្តនីមួយៗនឹងធ្វើដំណើរមកប្រកួតនៅជុំផ្តាច់ព្រ័ត្រនៅរាជធានីភ្នំពេញដែលសហព័ន្ធកីឡាអេឡិចត្រូនិកកម្ពុជាទទួលបន្ទុកលើការធ្វើដំណើរ ស្នាក់នៅ និងអាហារទាំងស្រុង។
វិញ្ញាសាដែលត្រូវប្រកួតតំបន់នេះមាន វិញ្ញាសា AK2 (Bomb Mode) វិញ្ញាសា AK2 (Holy Region 2) និងវិញ្ញាសា Dota 2 (Captain Mode)។ ចាំមើលក្រុមណាខ្លះឈ្នះបានកៅអីឡើងទៅប្រកួតជុំផ្តាច់ព្រ័ត្រដើម្បីដណ្តើមជើងឯកថ្នាក់ជាតិ និងមានសិទ្ធិចេញទៅប្រកួតនៅក្រៅប្រទេស។
ព្រឹត្តិការណ៍ជ្រើសរើសជើងឯកកីឡាអេឡិចត្រូនិកថ្នាក់ជាតិប្រចាំឆ្នាំ២០១៧ រៀបចំដោយសហព័ន្ធកីឡាអេឡិចត្រូនិកកម្ពុជា និងគាំទ្រដោយគណៈកម្មាធិការជាតិអូឡាំពិកកម្ពុជា ព្រមទាំងចូលរួមឧបត្ថម្ភដោយកុំព្យូទ័រ ASUS ROG, ភេសជ្ជៈ Mountain Dew និងទូរទស្សន៍ MYTV ៕
ដឹងឬអត់ថា ជើងឯក E-Sports ថ្នាក់ជាតិតំបន់ទី១យកប៉ុន្មានក្រុមមកភ្នំពេញ?