រំភើប! តារាប្រុស Joe Alwyn ចង់រៀបចំពេលវេលាផ្អែមល្ហែមជាមួយ Taylor Swift

2017-11-11 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតជាគួរឲ្យច្រណែនណាស់ តារាសម្ដែង Joe Alwyn មានគម្រោងធ្វើឲ្យមិត្តស្រីរបស់ខ្លួនជា មានការភ្ញាក់ផ្អើលមួយ ជាមួយអាហារពេលល្ងាចដ៏ផ្អែមល្ហែម ក្រោយពេលអាល់ប៊ុមថ្មីរបស់នាងបានចេញជាផ្លូវការនោះ។

តារាប្រុសរូបសង្ហានេះ មានគម្រោងទៅទទួលទានអាហារពេលល្ងាចជាមួយសង្សារបន្ទាប់ពីបញ្ចប់ការសម្ដែងនៅក្នុងកម្មវិធី ‘SNL’ នៅចុងសប្តាហ៍នេះ។ សប្តាហ៍នេះអាចក្លាយជាពេលដែលសប្បាយរីករាយបំផុតក្នុងជីវិត Taylor Swift។ តារាចម្រៀងវ័យ ២៧ឆ្នាំរូបនេះទើបតែបានប្រកាសចេញអាល់ប៊ុមចម្រៀងថ្មីរបស់នាងកាលពីប៉ុន្មានម៉ោងមុននេះ។

បន្ទាប់មក Taylorនឹងត្រូវទៅសម្តែងក្នុងកម្មវិធី Saturday Night Live នៅចុងសប្តាហ៍នេះទៀត។ រឿងដែលគួរឲ្យរំភើបជាងនេះទៀតនោះ គឺក្រោយពេលដែលនាងបានបញ្ចប់ការសម្តែង ក៏មានពាក្យចចាមអារ៉ាមថា មិត្តប្រុសរបស់នាងលោក Joe Alwyn មានអ្វីជាពិសេសសម្រាប់មិត្តស្រីរបស់ខ្លួននៅក្នុងថ្ងៃនោះផងដែរ។

មានប្រភពជិតស្និទ្ធមួយបានប្រាប់មក HollywoodLife.com ថា៖ “ទំនាក់ទំនងរវាងTaylor និង Joe ពិតជាអស្ចារ្យណាស់។ Joe មានគម្រោងផ្អាកការសម្ដែងរបស់លោកដើម្បីរៀបចំរឿងភ្ញាក់ផ្អើលមួយសម្រាប់តារាចម្រៀង Taylor ជាមួយនឹងអាហារពេលល្ងាចដ៏ផ្អែមល្ហែមមួយនៅឯសណ្ឋាគារមួយដែលនាងចូលចិត្តជាងគេនៅទីក្រុងញ៉ូយ៉ក។ លោកពិតជាពេញចិត្តជាមួយនឹងបទចម្រៀងថ្មីរបស់នាងណាស់។ បន្ថែមពីនេះទៀត លោកមានអារម្មណ៍ថា ខ្លួនគឺជាមនុស្សប្រុសដែលសំណាងជាងគេនៅលើលោកនេះ។”

សម្រាប់ អាល់ប៊ុមថ្មីរបស់តារាចម្រៀង Taylor Swift គឺទើបតែដាក់ចេញជាផ្លូវការនៅលើ iTune ប៉ុន្មានម៉ោងមុននេះទេ ហើយបើនិយាយពីសន្ទុះនៃការគាំទ្រគឺពិតជាច្រើនគួរសម៕

ប្រភព៖ Hollywoodlife ប្រែសម្រួល៖ អន សុភក្ត្រា