គន្លឹះ ៦ យ៉ាងជួយដល់ការថតរូបក្មេងៗឲ្យបានល្អ
- 2017-11-11 03:15:39
- ចំនួនមតិ 0 | ចំនួនចែករំលែក 0
គន្លឹះ ៦ យ៉ាងជួយដល់ការថតរូបក្មេងៗឲ្យបានល្អ
ចន្លោះមិនឃើញ
រូបភាពក្មេងៗជាអនុស្សាវរីយ៍ដ៏ល្អគួរចងចាំ ទាក់ទងនឹងដំណើរវិវត្តក្មេង និងឥរិយាបថពួកគេដែលអាចបង្ហាញជារូបភាពគួរឲ្យចាប់អារម្មណ៍។ អ្នកអាចពិនិត្យខ្លឹមសារខាងក្រោមជាយោបល់បាន៖
១. ការថតលក្ខណៈ Portrait
ការថតរូបលក្ខណៈ Portrait ល្អសម្រាប់រូបភាពក្រុមគ្រួសារ ជាពិសេសក្មេង ប៉ុន្តែរូបភាពបង្ហាញពីភាពសប្បាយរីករាយ និងភាពស្រស់ស្អាតពួកគេ ទើបសំខាន់ជាង។
២. យកកាមេរ៉ាតាមខ្លួន
រូបភាពល្អៗអាចកើតឡើងគ្រប់ពេលនៅហាងលក់ទំនិញ ឬនៅសួនច្បារ ក្នុងពេលដំណើរកម្សាន្តជាមួយពួកគាត់ ដូច្នេះអ្នកគួរមានកាមេរ៉ាជាប់ខ្លួនជានិច្ច អាចមានទំហំតូចក៏បានងាយស្រួលដាក់ក្នុងហោប៉ៅ។
៣. គិតពីផ្នែកនៃជីវិត
អ្នកអាចចាប់យកនូវសកម្មភាពទូទៅរបស់ក្មេងៗ ដូចជាក្មេងកំពុងលេង ក្មេងងើបពីជំងឺ ក្មេងមានអារម្មណ៍ក្រៀមក្រំ ក្មេងមានអារម្មណ៍សប្បាយ ក្មេងកំពុងគេង ក្មេងលេងល្បែងកម្សាន្ត ក្មេងភ្ញាក់ផ្អើលពេលឃើញអ្វីមួយ។ សកម្មភាព និងអារម្មណ៍ជារូបភាពបែបធម្មជាតិដ៏រស់រវើកសម្រាប់ភាពយូរអង្វែង។
៤. ថតហើយគួរមើលត្រឹមអ្នក
រូបភាពក្មេងអាចជាកូន បងប្អូន ឬក្មេងជិតខាង ក្រោយថតគួររក្សាទុកជាអនុស្សាវរីយ៍ អាចបង្ហាញពេលពួកគេធំឡើង។ ដូច្នេះមិនមែនរូបភាពទាំងអស់គួរថត ហើយបង្ហោះលើ Online ដើម្បីទទួលបានចំនួន Like នោះទេពីអ្នកដទៃនោះទេ។
៥. ធ្វើឲ្យរូបភាពមានលក្ខណៈពិតៗ
ការថតរូបក្មេងពេលខ្លះមិនមែនជាចំនុចងាយស្រួលនោះទេ ដើម្បីផ្ដិតបានរូបល្អៗ។ បែបនេះ អ្នកអាចប្រាប់ពួកគេពីរូបភាពអ្នកចង់បានក្នុងចិត្ត ដើម្បីថតចំនួន ១ សន្លឹក រួចអ្នកបណ្ដោយឲ្យអ្វីដែលពួកគេចង់បាន ដើម្បីថត ១ សន្លឹកផ្សេងទៀត។ ដូច្នេះអ្នកមានរូបភាព ២ សន្លឹកសម្រាប់ជ្រើសរើស ។
៦. ផ្ដល់កាដូដល់ពួកគេ
អ្នកអាចរក្សាទុកនូវបណ្ដុំរូបភាពពីក្មេងៗ ដើម្បីប្រគល់ជូនពួកគាត់មើលពេលធំ ជាពិសេស ថ្ងៃខួបកំណើត ឬពិធីមង្គលរបស់ពួកគេ៕