កក្រើក! តួល្បីធំៗដល់ទៅ ៣រូបនឹងរួមគ្នាសម្ដែងក្នុងភាពយន្តខ្នាតធំ១

2017-11-12 04:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងមួយថ្មី និងពិសេសបំផុតសម្រាប់អ្នកនិយមតាមដានទស្សនាភាពយន្តខ្នាតធំថៃ ជាពិសេសអ្នកគាំទ្ររបស់តារាសម្ដែង Sunny Suwanmethanon, Nickhun (សមាជិកក្រុម 2PM) និងតារាស្រីកំពុងល្បីឈ្មោះ Yaya Urassaya។

Sunny

Nickhun

Yaya

តាមសេចក្ដីរាយការណ៍ព័ត៌មានបាន ឲ្យដឹងថា តារាប្រុសស្រីទាំង ៣ប្រចាំប្រទេសថៃនេះ នឹងរួមគ្នាសម្ដែងក្នុងរឿងថ្មីមួយរបស់ ផលិតកម្មដ៏ល្បី GDH។ ដំណឹងនេះ បានធ្វើឲ្យអ្នកគាំទ្រជាច្រើនរបស់តារាស្រី Yaya មានអារម្មណ៍រំភើបឥតឧបមា ព្រោះនេះជារឿងស្នាដៃថ្មីមួយទៀតសម្រាប់នាង បន្ទាប់ពីរឿង "ណាគី វគ្គ ២”។ អ្វីដែលកាន់តែអស្ចារ្យនោះ គឺក្នុងរឿងកុនថ្មីនេះ តួឯកសុទ្ធតែកំពូលតារាល្បីទាំង ៣។

ដោយឡែក ចំពោះភាពយន្តនេះ មិនទាន់មានចំណងជើងនៅឡើយ ហើយព័ត៌មានលម្អិតបន្ថែម នឹងត្រូវបង្ហាញនៅថ្ងៃប្រកាសជាផ្លូវការ ពោលគឺនៅថ្ងៃទី ១៣ ខែវិច្ឆិកា ឆ្នាំ ២០១៧ស្អែកនេះ។

ជាក់ស្ដែង កន្លងមកអ្នកគាំទ្រផលិតកម្ម GDH ប្រាកដជាបានជ្រាបហើយថា ផលិតកម្មនេះជាផលិតកម្មល្បីឈ្មោះមួយ ហើយភាពយន្តមួយចំនួនដែលចេញពីផលិតកម្មនេះ ក៏តែងទទួលបានការគាំទ្រយ៉ាងច្រើនផងដែរ ដូចជា រឿង "One Day", "A Gift", "Bad Genius", និង "The Promise" ជាដើម៕