ប្រធានាធិបតីកូរ៉េខាងត្បូង ជូនអាល់ប៊ុមចម្រៀង EXO ដល់កូនស្រីប្រធានាធិបតីឥណ្ឌូនេស៊ី

2017-11-12 23:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើបណ្ដាញអ៊ីនធឺណិតមានការភ្ញាក់ផ្អើលគ្រប់គ្នា នៅពេលដឹងដំណឹងថា លោកប្រធានាធិបតីកូរ៉េខាងត្បូង Moon Jae In បានរៀបចំអំណោយពិសេសមួយជូន កូនស្រីរបស់ប្រធានាធិបតីឥណ្ឌូនេស៊ី Joko Widodo។

ប្រធានាធិបតីកូរ៉េខាងត្បូង Moon Jae In

កាលពីថ្ងៃទី ០៩ ខែវិច្ឆិកា លោក Moon មានជំនួបជាមួយប្រធានាធិបតី Widodo ក្នុងប្រទេសឥណ្ឌូនេស៊ី។ បើយោងតាមព័ត៌មានបានចុះផ្សាយបានឲ្យដឹងថា ពេលនោះ លោក Moon បានអញ្ជើញទៅផ្សារទំនើបមួយកន្លែង ដោយលោក Widodo ក៏បានណែនាំ និងបង្ហាញពីផលិតផលជាតិជាច្រើនដល់ប្រធានាធិបតីកូរ៉េរូបនេះ។ ឆ្លៀតក្នុងឱកាសនោះ ប្រធានាធិបតីឥណ្ឌូនេស៊ី ក៏បានជូនអាវប្រពៃណីជាតិហៅថា "Batik” ដល់ប្រធានាធិបតីកូរ៉េខាងត្បូង។

ប្រធានាធិបតីកូរ៉េខាងត្បូង និងប្រធានាធិបតីឥណ្ឌូនេស៊ី

តបស្នងនូវទឹកចិត្តល្អមួយនេះ លោក Moon ក៏បានរៀបចំកាដូពិសេសមួយដែរ។ ដោយដឹងថា កូនស្រីរបស់ ប្រធានាធិបតី Widodo មានឈ្មោះ Kahiyang Ayu ដែលទើបរៀបការកាលពីថ្ងៃទី ០៨ ខែវិច្ឆិកា គឺជាអ្នកគាំទ្រវិស័យ K-Pop ម្នាក់ដែរនោះ ទើបប្រមុខរដ្ឋកូរ៉េខាងត្បូងរូបនេះ រៀបចំវីដេអូអបអររបស់ Minho (សមាជិកក្រុម SHINee) រួមទាំង អាល់ប៊ុមបទចម្រៀងរបស់ EXO ដែលមានហត្ថលេខារបស់សមាជិកក្នុងក្រុមទាំងអស់ជូនជាពិសេសដល់នាង។

តារាចម្រៀង Minho (ក្រុម SHINee)

ក្រុមចម្រៀង EXO

កូនស្រីប្រធានាធិបតី Kahiyang Ayu

បើតាមប្រភពបានឲ្យដឹងថា Kahiyang Ayu ធ្លាប់បានទៅចូលរួមទស្សនាការប្រគំតន្ត្រីរបស់ក្រុមចម្រៀងបុរស SHINee ជាច្រើនលើក កាលពីមុន ហើយជារឿយៗនាងតែងបង្ហាញក្ដីស្រឡាញ់របស់ខ្លួនសម្រាប់វិស័យ K-Pop ដែរ៕

ប្រភព៖ nextshark ប្រែសម្រួល៖ យី សុធារី