សហគ្រិនជើងចាស់ថា យុវជនរៀន៤ ភាសានេះ នឹងរស់បានស្រួល
- 2017-11-13 09:34:02
- ចំនួនមតិ 0 | ចំនួនចែករំលែក 0
សហគ្រិនជើងចាស់ថា យុវជនរៀន៤ ភាសានេះ នឹងរស់បានស្រួល
ចន្លោះមិនឃើញ
ថ្លែងក្នុងវេទិកា "រៀនធ្វើជំនួញ" កាលពីពេលកន្លងទៅសហគ្រិនចាស់វស្សា លោក សោម សម្បត្តិ នាយកក្រុមហ៊ុននៃថ្នាំពណ៌ក្នុងស្រុក Campaint បានផ្ដល់ដំបូន្មានដល់យុវនិស្សិតទាំងឡាយ គួររៀនភាសាលើសពីមួយ នោះជីវិតទាំងការងារ និងការចាប់ផ្ដើមរកស៊ី នឹងឆ្ពោះទៅរកវិថីជោគជ័យជាមិនខាន។
លោក សោម សម្បត្តិ លើកឡើងថា ភាសាមានច្រើនរាប់មិនអស់ តែសម្រាប់សហគ្រិនជើងចាស់រូបនេះផ្ទាល់ បានណែនាំឲ្យយុវជនគួររៀនភាសាចំនួន៤រួមមាន៖
១. ភាសាក្នុងស្រុក៖ ត្រូវចេះនិយាយយត្រូវអក្ខរាវិរុទ្ធ និងចេះសម្របទៅតាមតំបន់ទាំងអស់។
២. ភាសាអង់គ្លេស៖ អង់គ្លេស ជាភាសាសកល ហេតុនេះមិនត្រូវរំលងដាច់ខាត។
៣. ភាសាក្នុងអាស៊ី៖ យុវជនគួររៀនភាសាចិន និងថៃ នេះបើតាមលោក សម្បត្តិបញ្ជាក់។
៤. ភាសាបច្ចេកទេស៖ ភាសានេះអាស្រ័យលើជំនាញរបស់អ្នកកំពុងរៀន។ ឧទាហរណ៍ អ្នករៀនផ្នែកគ្រប់គ្រង ត្រូវចេះជំនាញដឹកនាំប្រជុំ និងរដ្ឋបាលជាដើម។
ជាមួយគ្នានេះ លោកសម្បត្តិ បញ្ជាក់បន្ថែមថា «នៅក្នុងទីផ្សារការងារបច្ចុប្បន្ន ភាសាមួយមានតម្លៃមិនតិចជាងមួយលានដុល្លារទេ...ហើយការចេះភាសាពិតប្រាកដ ត្រូវតែមានមូលដ្ឋានបួនគឺ ចេះអាន សរសេរ និយាយ និងស្តាប់ »៕