មិនទាន់ប្រកាសផង ធ្លាយបាត់ទាំងគ្រឿងក្នុងនិងតួខ្លួន OnePlus 5T

2017-11-14 04:20:40
ចំនួនមតិ 0 | ចំនួនចែករំលែក 0

ចន្លោះមិនឃើញ

OnePlus 5T នឹងក្លាយជាស្មាតហ្វូនជំនាន់ចុងក្រោយបង្អស់របស់ក្រុមហ៊ុនប្រទេសចិន OnePlus ត្រៀមដាក់បង្ហាញនាថ្ងៃទី ១៦ វិច្ឆិកា។ គួបជួនពេលនេះប្រភពពី ZDNet នៃប្រទេសអាល្លឺម៉ង់ បានទម្លាយចេញនូវរូបភាពនិងលក្ខណៈសម្បត្តិចុងក្រោយ ចែកចាយពេញប្រព័ន្ធអ៊ីនធឺណិត។

5T ប្រចាំឆ្នាំ ២០១៧ រចនារូបរាងថ្មី នៃអេក្រង់ផ្ទៃពេញសមាមាត្រ 18:9 ទំហំ ៦ អ៊ីញប្រភេទ AMOLED ស្រដៀងម៉ូដែល Oppo R11s ដែលជាសម្ព័ន្ធតែមួយ។ វិមាត្រខ្លួន156.1 x 75 x 7.3ម.ម ទម្ងន់ខ្លួន ១៦២ ក្រាម ធំជាងម៉ូដែល OnePlus 5 និងមានប្រព័ន្ធស្កេនខ្ចៅដៃនៅផ្នែកខ្នងក្រោយ ផ្ដាច់ ជីវិតប៊ូតុង Home ចោលជាផ្លូវការ។ ដំណើរការដោយឈីប Snapdragon 835 មានកាមេរ៉ាភ្លោះខាងក្រោយ អាចថតរូប Portrait Mode ដូច iPhone 7 Plus ដែរ និងមានថាមពលថ្ម 3,300mAh បន្សំប្រព័ន្ធ Android Nougat ស្របផ្ទៃ Interface Oxygen OS។ មាន RAM ធំដល់ 6GB និងអង្គផ្ទុក 64GB ខណៈម៉ូដែលពិសេស RAM 8GB មានអង្គផ្ទុក 128GB ប៉ុន្តែទាក់ទិននឹងតម្លៃ យើងមិនទាន់ដឹងជាក់លាក់នៅឡើយ គ្រាន់ថ្ងៃចេញលក់ប្រព្រឹត្តិទៅនាថ្ងៃទី ២១ វិច្ឆិកា។