ក្រុមហ៊ុនអាកាសចរណ៍មួយឈប់ហោះហើរទៅ New Delhi ព្រោះផ្សែងអ័ព្ទ
- 2017-11-14 06:52:05
- ចំនួនមតិ 0 | ចំនួនចែករំលែក 0
ក្រុមហ៊ុនអាកាសចរណ៍មួយឈប់ហោះហើរទៅ New Delhi ព្រោះផ្សែងអ័ព្ទ
ចន្លោះមិនឃើញ
ក្រុមហ៊ុនអាកាសចរណ៍ United Airlines បានសម្រេចចិត្តបញ្ឈប់ការហោះហើររបស់ខ្លួនទៅកាន់ទីក្រុង New Delhi ប្រទេសឥណ្ឌាដើម្បីជៀសវាងគ្រោះថ្នាក់ផ្សេងៗដោយសារតែការចុះផ្សែងអ័ព្ទយ៉ាងច្រើនដែលបណ្ដាលមកពីខ្យល់ព្យុះ និងបន្ទុះភ្នំភ្លើង។ ក្រុមហ៊ុននេះបានឲ្យដឹងថា ខ្លួនបានអនុញ្ញាតឲ្យភ្ញៀវទាំងអស់ផ្លាស់ប្ដូរជើងហោះហើរដោយមិនគិតថ្លៃ និងថែមទាំងបានជួយរកសំបុត្រយន្តហោះក្រុមហ៊ុនអាកាសចរណ៍ផ្សេងឲ្យពួកគេផងដែរ។
ក្រុមហ៊ុនអាកាសចរ United Airlines បានសរសេរនៅក្នុង Email មួយថា "ក្រុមហ៊ុន United យើងខ្ញុំបានផ្អាកជើងហោះហើរទៅកាន់ New Delhi បណ្ដោះអាសន្នដោយសារតែមានការព្រួយបារម្ភអំពីគុណភាពខ្យល់អាកាសនៅទីនោះ ហើយបច្ចុប្បន្នក្រុមហ៊ុនក៏បានបដិសេធចំពោះអតិថិជនទាំងអស់ដែលកំពុងធ្វើដំណើរទៅកាន់ទីក្រុង Delhi ។"
មកទល់នឹងសប្ដាហ៍នេះ ផ្សែងអ័ព្ទនៅទីក្រុង Delhi កាន់តែអាក្រក់ច្រើនជាង ១០ដងនៃការចុះផ្សែងអ័ព្ទនៅក្នុងទីក្រុងប៉េកាំង កាលពីឆ្នាំមុនទៅទៀត។ តំបន់ខ្លះនៅក្នុងទីក្រុង Delhi មានការបំពុលខ្យល់លើសពី ៤០ដង នៃកម្រិតសុវត្ថិភាពខ្យល់ដែលអង្គការសុខភាពពិភពលោកបានកំណត់។
ផ្សែងអ័ព្ទនៅតែបន្តផ្អាកជើងហោះហើរនៅក្នុងទីក្រុង Delhi ដោយសារតែអ័ព្ទដ៏ក្រាស់បានបិទបាំងការមើលឃើញរបស់អ្នកបើកយន្តហោះ៕