គោព្រៃកម្ពុជាចាញ់ក្រុមខ្លាំងហ្សកដានី ១-0

2017-11-14 13:20:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ទម្រង់លេងការពាររបស់លោកគ្រូ ប្រាក់ សុវណ្ណារ៉ា បានជួយក្រុមបាល់ទាត់ជម្រើសជាតិកម្ពុជាបានចាញ់ក្រុមជម្រើសជាតិក្រុមហ្សកដានី ដោយលទ្ធផលត្រឹម ១-០ ប៉ុណ្ណោះ បើទោះជាក្រុមភ្ញៀវខ្លាំងមួយនេះព្យាយាមវាយសម្រុកខ្លាំងយ៉ាងណាក៏ដោយសម្រាប់ការប្រកួតវគ្គជម្រុះពានរង្វាន់ AFC Asian Cup។ គ្រាប់បាល់ជ័យជម្នះរបស់ហ្សកដានីកើតឡើងនៅនាទី១៧នៃវគ្គទី១ដោយខ្សែប្រយុទ្ធលេខ៧ ខណៈការស៊ុតជាច្រើនផ្សេងទៀតត្រូវបានអ្នកចាំទី ស៊ូ យ៉ាទីជួយសង្គ្រោះបាន។ ចំពោះកម្ពុជាមានឱកាសតែម្តងគត់ដែលធ្វើឲ្យក្រុមហ្សកដានីបុកពោះគឺការទាត់បាល់ពិន័យពីចម្ងាយរបស់តារាឆ្នើម ចាន់ វឌ្ឍនាកា នៅនាទីទី៤២នៃវគ្គទី១។ ចំពោះការប្រកួតវគ្គទី២មិនអាចទម្លាយសំណាញ់ទីគ្នាបានឡើយ បើទោះជាព្យាយាមផ្លាស់ប្តូរកីឡាករចូលលេងជាបន្តបន្ទាប់៕