ក្រុមហ៊ុនបច្ចេកវិទ្យា ៣ ចាប់ផ្តើមទទួលទុនវិនិយោគពីក្រុមហ៊ុន Smart

2017-11-15 03:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Smart Axiata និងក្រុមហ៊ុនធានារ៉ាប់រង Forte Insurance បានផ្ដល់ជំនួយមូលនិធិសម្រាប់អាជីវកម្មបែបឌីជីថល (SADIF) ដល់ក្រុមហ៊ុន ៣មាន៖ ក្រុមហ៊ុន ដឹកជញ្ជូន ជូនអ្នក ( Joonaak Delivery Co., Ltd ) ក្រុមហ៊ុន មរកត ថេកណូឡូជី (Morokot Technology) និងក្រុមហ៊ុន Aniwaa ដែលនិងទទួលគម្រោងមូលនិធិទុនវិនិយោគចំនួនទឹកប្រាក់ ៥លានដុល្លាររបស់ក្រុមហ៊ុន Smart ។ មូលនិធិសម្រាប់អាជីវកម្មបែបឌីជីថល (SADIF) បង្កើតឡើងដោយក្រុមហ៊ុន Smart និងគ្រប់គ្រងដោយគ្រុមហ៊ុនផ្ដល់ប្រឹក្សា និងវិនិយោគ Mekong Strategic Partners (MSP) ដែលបានបង្កើតឡើកាលពីដើមឆ្នាំ ក្នុងគោលបំណងផ្ដល់ចំណេះដឹងផ្នែកយុទ្ធសាស្ត្រទៅដល់អាជីវកម្មបែបឌីជីថល និងជួយលើកកម្ពស់គាំទ្រដល់វិស័យឧស្សាហកម្ម ICT ដែលកំពុងមានការលូតលាស់ និងរីកចម្រើននៅក្នុងប្រទេសកម្ពុជា។

ក្រុមហ៊ុន ជួនអ្នក, មរកត និង Aniwaa ជាក្រុមហ៊ុនដំបូងគេដែលទទួលបានទុនវិនិយោគពី Smart Forteនិង MSP ដោយផ្អែកលើអាជីវកម្មនាពេលបច្ចុប្បន្នរបស់ខ្លួន និងសក្ដានុពលនៃការរើកចំរើនផ្នែកអាជីវកម្មបែបឌីជីថលនាពេលខាងមុខ។

ក្រុមហ៊ុន ជួនអ្នក ដែលមានលោក ចាយ គង់ ជានាយកប្រតិបត្តិដោយធ្វើការផ្ដល់ការគាំទ្របែបឌីជីថល ដល់អាជីវកម្ម លក់រាយ ការស្តុកទំនិញ ការដឹកជញ្ជូន និងសេវាគាំទ្រ អតិថិជនបែបពាណិជ្ជកម្មអេឡិចត្រូនិក។
ក្រុមហ៊ុន មរកត ដែលមានលោក ឃួន សុភ័ត ជានាយកប្រតិបត្តិ ដែលធ្វើការគាំទ្របែបឌីជីថល បង្កើតកម្មវិធី Software ដើម្បីគាំទ្រដល់ប្រតិបត្តិការរបស់គ្រឹះស្ថានមីក្រូហិរញ្ញវត្ថុនៅកម្ពុជាសម្រួលដល់ការរាំងស្ទះដល់មន្ត្រី ឥណទាន និងប្រតិបត្តិការផ្នែកខាងក្នុង។
ក្រុមហ៊ុន Aniwaa ដែលមានលោក Martin Iansard ជានាយកប្រតិបត្តិ នឹងនាំមកនូវព័ត៌មានទាក់ទងទៅនិង បច្ចេកវិទ្យាផ្នែករឹង ( Hardware ) ដែលទំនើបទាន់សម័យបំផុត សម្រាប់អ្នកដែលមានចំណូលចិត្តផ្នែកបច្ចេកវិទ្យា ។

ក្រុមហ៊ុន Smart, MSP និងForte រំពឹងថា និងបន្តវាយតម្លៃលើពាក្យស្នើសុំមូលនិធិជាច្រើនទៀត ដើម្បីវិនិយោគបន្ថែមនៅក្នុងវិស័យ ICT ហើយជំរុញសេដ្ឋកិច្ចបែបឌីជីថលរបស់ប្រទេសកម្ពុជាឲ្យកាន់តែមានភាពរីកចម្រើនបន្ថែមទៀតក្នុងពេលដ៏ខ្លីខាងមុខ។

ចុចអានបន្ត៖

អត្ថបទ៖ ម៉េងងី