ក្ដៅៗ កងទ័ពហ្ស៊ីមបាវ៉េ រឹបអូសបានទូរទស្សន៍រដ្ឋ និងចេញសេចក្ដីថ្លែងការណ៍ភ្លាមៗ
- 2017-11-15 07:27:35
- ចំនួនមតិ 0 | ចំនួនចែករំលែក 0
ក្ដៅៗ កងទ័ពហ្ស៊ីមបាវ៉េ រឹបអូសបានទូរទស្សន៍រដ្ឋ និងចេញសេចក្ដីថ្លែងការណ៍ភ្លាមៗ
ចន្លោះមិនឃើញ
ប៉ុន្មាននាទីមុននេះ កងទ័ពរបស់ប្រទេសហ្ស៊ីមបាវ៉េ បានរឹបអូស និងគ្រប់គ្រងលើទូរទស្សន៍រដ្ឋ ដោយចេញសេចក្ដីថ្លែងការណ៍ភ្លាមៗថា នេះមិនមែនជារដ្ឋប្រហារយោធាប្រឆាំងប្រធានាធិបតីបច្ចុប្បន្នទេ គឺគ្រាន់តែជាប្រតិបត្តិការដ៏ធំមួយ ក្នុងគោលបំណងស្ដារសន្តិភាពប្រទេស និងស្ថានភាពសេដ្ឋកិច្ច ដែលកំពុងធ្លាក់ដុនដាបប៉ុណ្ណោះ។
លើកញ្ចក់ទូរទស្សន៍រដ្ឋនាព្រឹកថ្ងៃពុធនេះ អ្នកនាំពាក្យកងទ័ពហ្ស៊ីមបាវ៉េ ឧត្ដមសេនីយ៍ SB Moyo បាននិយាយថា សកម្មភាពយោធានេះ មិនមែនជារដ្ឋប្រហារប្រឆាំងនឹងលោក Robert Mugabe ទេ ហើយគ្រួសាររបស់មេដឹកនាំរូបនេះ ស្ថិតក្រោមការការពារសុវត្ថិភាព និងធានាសន្តិសុខជាប់ជានិច្ច។
អ្នកនាំពាក្យកងទ័ពហ្ស៊ីមបាវ៉េ បានបញ្ជាក់ទៀតថា ប្រតិបត្តិការយោធានេះ គឺធ្វើឡើងដើម្បីកម្ចាត់អ្នកនៅជុំវិញប្រធានាធិបតី ដែលបានប្រព្រឹត្តបទល្មើសនានា រហូតធ្វើឲ្យប្រទេសធ្លាក់ក្នុងសភាពដុនដាប ទាំងនយោបាយ និងសេដ្ឋកិច្ច។ ក្រៅពីដណ្ដើមការគ្រប់គ្រងលើទូរទស្សន៍រដ្ឋ យោធាហ្ស៊ីមបាវ៉េ ក៏បានបិទផ្លូវទៅកាន់ការិយាល័យរដ្ឋាភិបាលនៅរដ្ឋធានី Harare ផងដែរ។
មេដឹកនាំយោធារបស់ប្រទេសហ្ស៊ីមបាវ៉េ បានប្រាប់ប្រជាជនឲ្យរក្សាភាពស្ងប់ស្ងាត់ បន្តជីវិតប្រចាំថ្ងៃដូចធម្មតា។ ចំណែកគណបក្សនយោបាយទាំងអស់ ត្រូវណែនាំឲ្យរក្សាការអត់ធ្មត់ ចៀសវាងកើតអំពើហិង្សាណាមួយ។ នៅពេលដែលកងទ័ព បានសម្រេចគោលដៅក្នុងការរៀបចំប្រទេសនោះហើយ ស្ថានភាពនឹងវិលទៅធម្មតាវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
