តម្លៃដាវ-កាំបិត នេះមួយទិញកាំបិតលើទីផ្សាបានរាប់ឡូ
- 2017-11-16 02:39:19
- ចំនួនមតិ 0 | ចំនួនចែករំលែក 0
តម្លៃដាវ-កាំបិត នេះមួយទិញកាំបិតលើទីផ្សាបានរាប់ឡូ
ចន្លោះមិនឃើញ
ដោយអះអាងថាជាចំណង់ចំណូលចិត្ត លោក ទួន សុជាតិ បានក្លាយជាអ្នកដំដាវ កំបិត ផ្សាភ្ជាប់ជាមួយរចនាប័ទ្មបុរាណខ្មែរ ហើយស្នាដៃនេះកំពុងទទួលការចាប់អារម្មណ៍ច្រើន ពីអ្នកដែលនិយម ស្នាដៃបែបសិល្បៈនេះ។ ជាងស្មិតវ័យ២៥ឆ្នាំ រូបនេះរៀបរាប់ថា លោកមាននិស្ស័យនឹងជំនាញស្មិត ដាវ កំបិត តាំងពីតូច តែទើបតែមួយរយៈចុងក្រោយនេះប៉ុណ្ណោះ ដែលលោកចាប់ផ្ដើមដំដាវ កំាបិត ដែលរួមបញ្ចូលនឹងស្នាដៃសិល្បៈនេះឡើង។
លោកថា ដាវ កាំបិត ទាំងនេះ ដំដោយគោរពយ៉ាងហ្មត់ចត់ ទៅតាមទ្រង់ទ្រាយ រចនាប័ទ្ម និងក្បួនខ្នាតរបស់ខ្មែរសម័យបុរាណ ដែលលោកបានស្រាវជ្រាវ ដោយផ្អែកលើការសាកសួរចាស់ៗ សំណៅឯកសារ រួមនឹង ចម្លាក់ តាមជញ្ជាំងប្រាសាទ ជាដើម។
ជាងកំាំបិត មានប្រភពពីខេត្ត បន្ទាយមានជ័យ រូបនេះបន្ថែមថា អតិថិជន ភាគច្រើនដែលជាវ ស្នាដៃលោក ជាមន្ត្រី កងកម្លាំងប្រដាប់អាវុធ អ្នកមុខអ្នកការ ក្នុងសង្គមតែម្ដង។ លោកថា ក្រៅពីដំដោយក្បួនខ្នាតសម័យដើម កាំបិតទាំងនេះ ក៏មានដែរការចារបញ្ចុះដោយបាលីគាថា ដោយជឿថាអាចបណ្ដេញគ្រោះចង្រៃ លើករាសី ទៅតាមតម្រូវការអតិថិជនផងដែរ។
លោក ទួន សុជាតិ ពន្យល់ថា ដោយសារការគោរព តាមគំរូបបែបបទ ទំហំ ប្រវែង ទ្រង់ទ្រាយ ឲ្យដូចនឹង ក្រិតក្រមបុរាណ កំាំបិត និងដាវ ១ដើមៗ ចំណាយពេលផលិតយូរថ្ងៃ ដោយថដា១ដើមៗ ដំយ៉ាងប្រិតព្រៀង ពី១ទៅ២សប្ដាហ៍ឯណោះ។ កាំបិតខ្នាតតូច លោកលក់តម្លៃ១៨០ដុល្លារឡើងទៅ ខណៈដែល ដាវ និងកាំបិតធំ មានតម្លៃចាប់ពី ២០០ ដុល្លារឡើង៕